eLaborate
::: eLaborate options :::
    Show pagebreaks
    Show variations
    Search



    Searchform

    Fulltext search

    correspondent

    Search domain

    Search site
    Search current document

    Letter



    2813. 1636 oktober 25. Aan Willem de Groot1.

    Accepi, mi frater, a patre2 Kilianum3, cui pro opera impensa gratias habeo.

    Venit ad me et Brandanus Daetri4, juvenis optimus et qui gaudet patrem

    465

    nostrum teque sibi conspectum. Quod ei numerasti itemque Kiliani pretium in rationes nostras imputa. Dolet mihi quod tibi aliisque nostris semper negotium exhibeo.

    Brandanus ex Calixti5 disciplina est, viri veritatis et antiquitatis pacisque christianae amantissimi et qui studium sincerum pietatis multum controversiarum cognitioni anteponat, quod genus theologorum mihi semper placuisse nosti.

    Venit ab Anglia minor Reigersbergius6 bene exceptus a viris magnis, quod me attingeret. Vidit archiepiscopum7, a Casaubono8 etiam hospitio receptus. Libros meos ibi in pretio esse renuntiat. De veritate religionis christianae9 nostra edi Anglice10. Novam quoque poëmatum meorum editionem factam Oxoniae11. De Satisfactione12 valde probari. Etiam Brunsvici Germanice versa sunt nostra de Baptismo13 a confessionis Augustanae viro egregio14. Ita solatium aliquod habeo impensae publico operae.

    Multum probat Brandanus Pappiana15 atque eam docendi formam secuturus est.

    Miseram16 ante menses hos duos aut amplius librum viri eruditi de motu terrae, cui inscriptio Philolaus17. Eum per Batavum, puto Croquium18 aut alium, ad D. Vossium perferri volueram. Interrogavit me scriptor, qui nomen suum justa de causa occultat, an certus essem pervenisse librum, quo volueram; ego, qui nihil ejus intellexi hactenus, te rogo, ut scisciteris meque de eo quod compereris edoceas.

    D. Salmasium19 si forte videris, rogo, ut, ubi ea usus fuerit, tradat tibi Barnabae epistolam a me descriptam20. Quod si et veterem ejus latinam versionem habeat, precor ipsum quidem, ut mihi exemplum sumere liceat, te vero, ut aliquem

    466

    mihi quaeras, qui describat. Mire enim afficior illis primi saeculi christianorum scriptis, qualis est et Clementis ad Corinthios epistola, quam nobis ex Anglia Patricius edidit21.

    Ubi prodierint Heinsianae notae in Novum Testamentum22 sciscitare, quando et suas daturus sit Salmasius23. Id enim si in propinquo est, differam jubere transcribi meas24, donec ista viderim, ut, siquid opus sit, mutem.

    Vale cum parentibus25, uxore26, liberis27, propinquis, amicis.

    Lutetiae, 25 Octobris 1636.

     

    Iam nunc duo pastores legati ordinarii Anglicani28 veniunt salutatum fraterne Brandanum nostrum. Erit hoc, ut spero, concordiae generalioris indicium.

    Tuus tuo merito
    H. Grotius.
    Notes



    1 - Gedrukt Epist., p. 863. Beantw. d. no. 2844. Vgl. no. 2761, p. 393.
    2 - Jan de Groot.
    3 - Cornelis Kiliaen, Etymologicvm Tevtonicae Lingvae; zie no. 2627, p. 197 en n. 5 aldaar.
    4 - Grotius' huispredikant; zie no. 2606, p, 167 en n. 3 aldaar.
    5 - De Helmstedtse theoloog Georg Calixtus.
    6 - Johan, oudste zoon van Maria's in 1632 overleden oudste broer Johan van Reigersberch, die bij leven rentmeester-generaal van Zeeland Bewester-Schelde was.
    7 - William Laud, aartsbisschop van Canterbury.
    8 - Mericus Casaubonus - Florence Etienne Méric Casaubon -; zie over hem V, p. 66 n. 5.
    9 - Sensvs librorvm sex, qvos pro veritate religionis Christianae Batavice scripsit Hugo Grotius. Lvgdvni Batavorvm, Ex Officina Iohannis Maire MDCXXVII; Ter Meulen-Diermanse, no. 944.
    10 - Vgl. no. 2812, p. 461 en n. 8 aldaar.
    11 - Vgl. no. 2812, p. 461 en n. 6 aldaar.
    12 - Defensio fidei catholicae De satisfactione Christi Adversus Favstvm Socinvm Senensem: Scripta ab Hvgone Grotio. Lvgdvni Batavorvm Excudit Ioannes Patius, Iuratus & Ordinarius Academiae Typographus, Anno 1617; Ter Meulen-Diermanse, no. 922.
    13 - Vgl. no. 2812, p. 462 en n. 2 aldaar.
    14 - Vgl. no. 2812, p. 462 en n. 3 aldaar.
    15 - Waarschijnlijk worden hier bedoeld de geschriften van Johannes Pappus (1549-1610), theoloog, hoofd van de luthersen te Straatsburg.
    16 - Vgl. no. 2664 dd. 9 juli aan G.J. Vossius.
    17 - Pseudoniem van de astronoom Ismaël Boulliau (1605-1694); het betreft diens Philolai sive dissertationis de vero systemate mundi libri IV. Amsterdami, apud G. et J. Blaeu, 1639.
    18 - Volkert Gerritsz. Krook? Vgl. Maria's postscriptum bij Grotius' schrijven dd. 17 oktober 1636, no. 2801 (bijlage no. 2). Zie ook Rogge, Br. Maria van Reigersb., p. 221 en n. 1 aldaar.
    19 - De Franse klassiek-filoloog Claude de Saumaise, hoogleraar in Leiden.
    20 - Zie over de zg. brief van Barnabas V, p. 132 n. 5.
    21 - Betreffende Clemens' brief aan de Corinthiërs en de uitgave van Patrick Young zie men V, p. 132 n. 3.
    22 - Danielis Heinsii Sacrarvm Exercitationvm ad Novvm Testamentvm Libri XX. Lvgd. Bat. MDCXXXIX; zie no. 2773, p. 407 n. 11.
    23 - Annotationes in Novum Testamentum, grotendeels voltooid.
    24 - Zie voor Grotius' Annotationes no. 2610, p. 172 n. 1.
    25 - Jan de Groot en Aeltgen Borre van Overschie.
    26 - Alida Graswinckel.
    27 - Zie voor hun namen VI, p. 549 n. 12.
    28 - Een van hen was wellicht Thomas Lockey. Deze vroeg althans op 26 augustus 1638 aan aartsbisschop Laud ontheffing van zijn bediening als kapelaan van John Scudamore te Parijs.