4537. 1640 maart 3. Aan H. Appelboom1.

Vir clarissime,

Non poteras ad res omnes optimas meliore uti magistro quam D. Vossio2, quem ego semper et ob eruditionem singularem et ob summas virtutes feci maximi.

Quod vero mea in te benevolentiae signa tam liberaliter praedicas, in eo, si animum respicis, nihil falleris: si res ipsas, sunt eae tam exiguae, ut ego pro verbis tam benignis non minus debeam.

Quod si frater tuus3 huc venerit, reperiet me, qualis esse debeo, Suedorum omnium amantissimum. Domus nostra nunc valde plena est hominum. In scribendo autem utor opera juvenis industrii4, quem mihi commendavit D. Spiringius5, cujus amicitia nobis perquam est necessaria. Caeterum si qua in re fratris tui studia adjuvare potero, faciam id animo sane promtissimo.

Illustrissimo principi Carolo Gustavo6, qui saepe nos honestat suis alloquiis, com-

110

Scribebam III Martii anni MDCXL.

Tuae Claritudini optima omnia volens
H. Grotius.

Adres: A Monsieur monsieur Appelboom, monsieur Vossius est prié de la faire tenir.

In dorso schreef Appelboom: 1640 - 3 - Martij.