eLaborate
::: eLaborate options :::
    Show pagebreaks
    Show variations
    Search



    Searchform

    Fulltext search

    correspondent

    Search domain

    Search site
    Search current document

    Letter



    527

    4846. 1640 september 22. Aan I. Jasky1.

    Nobilissime et amplissime domine,

    Dolent mihi sane quae de Vilna Nobilitas vestra scribit2. Nam et exemplum saeviendi ex odio religionis valde mihi displicet et nihil est, quod statui regni vestri magis adversetur. Feliciores forte fuissetis, si Turca perrexisset vobis metum inferre, ut vel sic restitueretur interna concordia et legum eam continentium vigor3.

    Hic Mileterius4 laborat, ut catholicos et reformatos in unitatem ecclesiae revocet, auditurque a catholicis benignius quam a reformatis.

    Rex captam urbem Atrebatum munit, uxoris5 partum exspectat, de pace per Italiam constituenda cogitat.

    Naves Hispanicae aliquot apud Gades a Bressaeo6 exustae; milites Hispani aliquot caesi in Belgico fine. Pontifex autem controversias habet cum Gallis, Hispanis, duce Ethruriae7, Venetis, Lucensibus, Parmensi8 et tamen est minime malus.

    Deus Nobilitati vestrae amicisque ejus favens9 adsit.

    Nobilitatis vestrae studiosissimus
    H. Grotius.

    Lutetiae, XXII Septembris MDCXL.

     

    Regina Galliae secundum filium peperit. Hispani Languedociae minantur.
    Notes



    1 - Hs. Gotha, Stadtarch., cod. A473, fo. 32. Eigenh. oorspr. Gedrukt Epist., p. 646; Grotii Epist. ad Iaski, p. 75. Antw. op no. 4783. Israel Köhne, genaamd von Jasky, was een invloedrijk burger in zijn geboortestad Danzig.
    2 - No. 4783.
    3 - De woorden ‘Feliciores... vigor’ ontbreken in de Epist. ad Iaski.
    4 - Théophile Brachet, sieur de La Milletière.
    5 - Anna van Oostenrijk. Philippe, hertog van Anjou, later hertog van Orléans, was op 21 september geboren.
    6 - Jean Armand de Maillé, hertog van Brezé.
    7 - Ferdinando II de' Medici, groothertog van Toscane.
    8 - Odoardo Farnese, hertog van Parma.
    9 - De Epist. ad Iaski geven in plaats van ‘Nobilitati... ejus’: Tibi amicisque tuis.