eLaborate
::: eLaborate options :::
    Show pagebreaks
    Show variations
    Search



    Searchform

    Fulltext search

    correspondent

    Search domain

    Search site
    Search current document

    Letter



    5102. 1641 maart 16. Aan W. de Groot.1

    Mi frater,

    Multum tibi et D. Vergoesio2 debeo, quod tanta diligentia ac fide mea desideria exsequimini. Vidi recusa.3 Placent. Sunt tamen exigua menda, ut 419 κατακυρεῦοντων pro κατακυριευόντων et 424 ἢρεν pro ἦρεν,4 qualia vitari vix possunt. Date operam, ut aboleantur ea, quae prius erant cusa in istis pagellis. Miror, ut et antehac scripsi,5 cum Longavillano non venisse ea, quae Princius6 habebat. Simul missa fuerint quae ille habet quaeque vos habetis. Fac nautae aut nautarum norim nomen, ut de eis inquirat Treselius;7 deinde sciam, quae adhuc excudenda restent et quando speratur finis. Sicut antehac nimia celeritate, ita nunc mihi videtur nimia tarditate peccari possitque ea res inimicis contra moliendi tempus dare, quod nolim.

    Petri excusationes mihi se non probant.8 Vult facere quae ipsi lubent; nos vicissim quod nobis visum fecerimus. Senator Reigersbergius illius vitam ac propositum non probat.9

    Peractis in Anglia pactis traditio virginis superest,10 quae diu trahi potest, et habemus

    168

    exempla negotiorum talium imperfectorum. Legatus a Portugallia11 brevi, ut puto, hic erit. Vides, quantum differat regimen regnorum tam vicinorum quam sunt Gallia et Britannia. Utris melius res cessura sit, tempora docebunt.

    Ad viduam Langeracensam12 curatae sunt literae. De scriba13 rogo et tu cogites et amicos consulas. Valde enim eius egeo.

    Tibi obligatissimus frater
    H. Grotius.

    16 Martii 1641.

     

    Lotharingius dux14 sua accipiet paratus contra Hispanum militare, non contra imperatorem. Mittuntur auxilia Barcinoni. Exspectantur in aula legati e Portugallia, deinde adventus reginae Britannicae.15
    Notes



    1 - Gedrukt Epist., p. 916 App. no. 538; de alinea ‘Petri excusationes ... non probat’ alleen gedrukt Clavis Epist. Antw. op no. 5086; beantw. d. no. 5115.
    2 - Vermoedelijk Willem van der Goes (no. 4995 n. 15).
    3 - De herdrukte katern Nn van Grotius' Annotationes in libros Evangeliorum (BG no. 1135). De eerste druk van deze katern werd vernietigd; vgl. nos. 5005, 5066 en 5124.
    4 - Deze zetfouten werden in de ‘corrigenda’ bij de Annotationes nog verbeterd.
    5 - No. 5093 dd. 9 maart; zie aldaar bij n. 10 en 11.
    6 - Pieter Christiaensz. Prins te Rotterdam (no. 5032 n. 5).
    7 - Daniël Tresel, koopman te Rouaan (no. 4995 n. 3).
    8 - Zie voor de problemen met Pieter de Groot no. 4998 n. 19 en no. 5086.
    9 - Reigersberchs brieven aan Grotius en zijn vrouw uit deze periode ontbreken.
    10 - Mary Stuart, de ‘Princess Royal’, kwam pas in maart 1642 naar de Republiek.
    11 - Francisco de Mello en dr. António Coelho de Carvalho (no. 5028 n. 6).
    12 - Louise de Clermont d'Amboise (no. 5086 n. 12).
    13 - Er werd een opvolger gezocht voor Grotius' secretaris Pieter Pels; vgl. no. 5053 n. 13.
    14 - Karel IV, hertog van Lotharingen.
    15 - Henriette Marie bleef echter in Engeland.