329

6817. 1644 april [16]. Aan H. Appelboom.1

Clarissime domine,

Rumores admodum varii2 super Elsinburgo3 munito a nostris aut derelicto incertos nos tenent. Rakoczii magni, ut videtur, processus non patientur, ut magna regi Daniae auxilia mittat imperator.4 Caeterum quod Claritas vestra de Batavis iudicat, verum puto.5 Et cum eis Galli facile in id consentient, ut omni modo intercedant nostris incrementis.

Iidem Galli parant ubique se ad bellum externum.6 Nec desunt interim qui et internum metuant, post Vindocinensem egresso e Gallia ad Helveticos fines duce Bulionio, quia Sedani principatu absistere non vult, suspectis etiam duce Espernonio ob iter in Biscaiam susceptum antehac et duce Lafortio multisque eorum qui reformatos se appellant.

Fruantur sane Dani falsis quos fabricant rumusculis, dum nos rebus pascamur. Multum autem opto, ut posthac tutiora sint literis itinera, quia aut eorum quae aguntur ignorantia aut defectus mandatorum super iis quae agenda sunt, nos aut haesitatores aut cessatores efficit.7

Veidenhemii votum editum8 non vidi; quod autem vidi perscriptum haud scio an idem sit.9 Loccenii, Liliae, Svenonis, Basii, Messenii libros et quicquid ullo modo ad decus Suedicae Gothicaeque gentis pertinet, videre multum desidero.10

Quid Moscovia parturiat, videbimus. Si quid mali in nos molientur, Tartari nos vin-

330

Deus, clarissime domine, Claritatem vestram servet incolumem,

Claritatis vestrae studiosissimus,
H. Grotius.

Lutetiae, XIV [sic] Aprilis 1644.

Adres: A monsieur/monsieur Appelboom, Suedois, à Amsterdam. Port.

Adres (volgens de uitgave der Epist.): D. Appelboom.