Venerande parens,
Octiduum est quod Amstelodamo Hagam reversus sum, eodem quidem die quo tabellarius hinc ad vos proficiscitur, sed sero nimis ad curandas literas.
In hunc itaque diem exspectandum mihi fuit, ut ea quae ibi peregi significarem.
Locutus Amstelodami sum cum D.o Vossio2, Corcelio3, Blawio4. Vidi ibi libros tuos de Iure Belli ac Pacis5, quos postremo ad D.um Vossium misisti.
Obiit illi, dum Amstelodami essem, filia unica6 ex morbillis. Itaque non potui, quantum volebam, cum eo de tuis postea edendis agere. Blavius etiam Cornelius, nempe ille, qui typographiae curam gerit, uxorem nuperrime nuptam7 amisit eodem tempore.
Promisit tamen ille sine mora tua de Fide et operibus8 in lucem proditura.
Spero accepisse te iam ea de Antichristo9, quorum duo exempla Amstelodamo ad te data sunt. Accepimus et ea, quae ad Decalogum10 notasti curabimusque eadem cura eorum editionem. Velim interim, quandoquidem, quo alia edi cupis, satis norimus, ut de numero exemplorum quae tibi dari cupis, propius scribas, ut de eo cum Blavio conveniam.
Heufdium11 allocutus sum de apochis aut subscribtionibus D. Berkelii12, sed ille iam eas Naeldwikio13 tradidisse se affirmabat. Operae pretium tamen erit, sive apud Rolandum14 sive apud alios, ubi eiusmodi forte aliquid etiamnum latet, omnia perscrutari; nobis
130
enim nihil tale in manibus est. Etiam consilium illud, in quo de holographo testamento apud institutum reperto nobis indicare puto non ex re futurum.Omnes nostri te salutant.
Deus, venerande parens, tibi in omnibus fortunet.
Tibi obedientissimus filius
P. Grotius.
Hagae Com., X Mart. MDCXXXIX.
Boven aan de brief schreef Grotius: Rec. 20 Martii.