Letter

5032. 1641 januari 28. Van W. de Groot.1

Frater optime,

Venit tandem ad nos Vergoesius2 fatis iactatus et alto,3 qui ad me detulit anonymos libellos4 tua correctos manu. Accepi et hesterno die errata ternionis N et praefatiunculam tribus tractatibus praefigendam, quae ego ad Blavios mittere constitui. Misi et hodie Roterodamum ad Princium5 folia a Qq usque ad Aaaa, quae marino itinere ad te deferentur, ut spero. Ubi rescivero, quo pacto et per quem ille curaverit ad te deferri, indicabo. De editione iam nihil aliud scribam quam quod Blavius antehac mihi promisit fore, ut finito hoc mense circum circa

absolvantur Annotata. Nunc aliquod temporis accedat oportet, ut ea, quae recudi iubes,6 recudantur. Ego ut de tota re certus sim tibique in hac parte satisfaciam, constitui feriis quadragesimalibus7 Amstelodamum excurrere forte et mecum tracturus Vergoesium, ut simul aliquid constituamus.

Ad reliqua ut veniam, proxima vice nihil quidem ad te dedi, quia tuae litterae8 mihi non fuerunt traditae - per quem curari volueris, nescio - ante octavam vespertinam, cum iam mittendum nuntio esset responsum.

Nunc et prioribus illis et recentioribus, quas XIX Ianuarii ad me dedisti,9 ut respondeam, satis tibi magnas gratias agere non possum, cum quod me de historia rerum in Lusitania gestarum tam accurate edoces, tum quod ius partium et momenta decidendi aperis, quae ego iam in Connestagio10 latius repeto. Acostam11 reperire nondum potui, sed audio et alium auctorem12 eam controversiam late tractasse, quem ab amico, ut spero, accipiam. Est sane illustris ea controversia nec etiam in foro nostro ignobilis, nam eandem nobis fatum Watervlietii nuper exhibuit contendentibus Venissio, amitae filio, cum D.a in Sereinskinderen, patrui filia,13 cui ego tum fui advocatus, sed ea res, nisi amice sit composita, etiamnum hic pendet. Lusitani magnam rem satis feliciter incepere, sed an pares sint futuri Hispanicis, quae evocantur undique, copiis, de eo prudentiores hic valde ambigunt. Ordines Hollandiae, qui conventum erant dissoluturi, auditis his nuntiis etiamnum substitere.14 Pretium sortis in Societate Indiae Occidentalis positae ad 130 iam excrevit, cum prius sortem non excederet.

Illud ad te pertinens oblivisci non debeo intellexisse me nuper ex homine novarum rerum avido, quandoque et gnaro,15 rumorem spargi de te ex legatione revocando, quasi Sueci nullis amplius legatis usuri sint, sed actoribus.16 Id an a Camerarii17 amicis sic divulgetur ad minuendum quem ipse ex revocatione sentit dolorem, an ab inimicis, qui ubique hoc agunt ut tibi noceatur, tibi cogitandum relinquo. Addam et illud Camerarium nuper a Spiringio18 septuaginta florenorum millia accepisse, ita ut praeter dona ipsi iam nihil e Suecia restet. Tibi non licet esse tam beato.

Vale, frater optime, et haec nostra sterilis argumenti, quanquam pro uberrimis tuis litteris reponantur, boni tamen consulere ne graveris.

Tibi obsequentissimus frater
Guilielmus Grotius.

Hagae, XXVIII Ianuarii 1641.

Cognati Brasseri uxor19 morbo repentino obiit. Salutant te mater, uxor, liberi, amici, inter quos et Breskesii dominus.20

Adres: A monsieur monsieur Grotius, ambassadeur de la reine et couronne de Suède prez le roy très-chrestien, à Paris.

Bovenaan de brief schreef Grotius: Rec. 6 Febr.

En in dorso: 28 Ian. 1641 W. de Groot.

Navigation

Notes

1 - Hs. Den Haag, ARA. Eerste afd., coll. Hugo de Gr. Aanw. 1911 XXIII no. 24, 179. Antw. op nos. 5005 en 5018; beantw. d. no. 5053.

2 - Vermoedelijk Willem van der Goes (no. 4995 n. 15).

3 - Vgl. Vergilius Aeneis I, 3: multum ille et terris iactatus et alto.

4 - Commentatio de Antichristo, Explicatio de fide et operibus en Explicatio Decalogi. Zij werden herdrukt achter Grotius' Annotationes in libros Evangeliorum (BG resp. nos. 1102, 1111, 1118 en 1135). Zie voor de ‘praefatiuncula’ no. 4998 n. 8.

5 - Bedoeld zal zijn Pieter Christiaensz. Prins (1583-1650), lid van de vroedschap van Rotterdam, van remonstrantsen huize. Tijdens Grotius' verblijf in het vaderland (oktober 1631-april 1632) was hij enige tijd diens gastheer. Vgl. no. 2003 (dl. V); NNBW II, kol. 1132. In 1641 zou hij voortdurend zorg dragen voor de verzending van de drukproeven naar Parijs.

6 - De katern Nn; vgl. nos. 5005, 5066 en 5124.

7 - In 1641 viel aswoensdag op 13 februari.

8 - No. 5005.

9 - No. 5018.

10 - Geronimo de' Franchi Conestaggio; vgl. no. 5018 n. 21.

11 - Manuel da Costa; vgl. no. 5018 n. 21.

12 - Niet geïdentificeerd.

13 - De Zeeuw Gillis van Watervliet, heer van Ellewoutsdijk, en zijn vrouw Josina van der Does hadden in 1635 een minderjarige enige zoon als wees achtergelaten, Cornelis van Watervliet, heer van Olffdijk; deze jongen kwam in januari 1640 in Parijs bij een ongeval om het leven. Zijn erfgenamen ab intestato waren van vaderszijde de kinderen van zijn oom Cornelis van Watervliet, heer van 's Heerheynskinderen (†1636), en Anna van Liere, en de kinderen van zijn tante N. van Watervliet, vrouw van David van Nisse, van moederszijde zijn ooms Diederik en Wigbold van der Does. In deze zaak werd nog in 1722 voor het Hof van Holland geprocedeerd (ARA, HvH 749, no. 54 dd. 13 juli 1646, e.a.).

14 - De vergadering werd gecontinueerd om de door de Gecommitteerde Raden gevraagde financiën rond te krijgen. Vgl. Res. SH dd. 26 januari 1641.

15 - Niet geïdentificeerd.

16 - Inderdaad werd Zweden vanaf 1641 tot na 1678 in de Republiek vertegenwoordigd door een diplomaat van lagere rang.

17 - Ludwig Camerarius (no. 4994 n. 1).

18 - Petter Spiring Silvercrona, resident en raad van financiën van Zweden in Den Haag (no. 5000 n. 1).

19 - Joost Brasser, remonstrants koopman te Amsterdam (no. 4995 n. 20), was gehuwd met Margaretha Jacobsdr. van der Dussen (geb. 1584); zij werd op 28 januari begraven.

20 - Christoffel Sticke (Stecke), heer van Breskens; vgl. supra no. 2202 (dl. VI). Hij behartigde de belangen van de Palts-Neuburg in Den Haag; zie Res. SG dd. 4 januari 1641.

5032. 1641 januari 28. Van W. de Groot.1

Searchform

Fulltext search

Metadata search

Search domain