eLaborate
::: eLaborate options :::
    Show pagebreaks
    Show variations
    Search



    Searchform

    Fulltext search

    correspondent

    Search domain

    Search site
    Search current document

    Letter



    103

    4530. 1640 februari 27. Van Willem de Groot1.

    Frater optime,

    Accepit nuper filius2 a Corcellio3 epistolam, qua commentarium de Fide et Operibus4 flagitabat, ne praelum absoluto fere isto de Antichristo commentario5 calere desinet; quare bona se offerente occasione hodie Amstelodamum excucurrit allaturus illi praedictum commentarium et visurus, quo loco altera sit editio, tum etiam inquisiturus, ecquid amicus ille noster6 circa effigiem Zenonis7 promoverit, de quibus omnibus proxima vice responsum expectabis.

    Interc[ess]isse Vossium8, quo minus tua de Antichristo utpote suo de Gentium Theologia scripto9 adversantia vulgarentur, jam ante cognovi. Illud de Fide et Operibus nemo praeter patrem nostrum cum tuo filio, item Utenbogardum10 et ejus tum comitem Rijckewartium11 vidit. Ego enim libellum sancte custodivi; itaque nescio, an ejus editionem impedire in animo habuerit Vossius.

    Tua ad Decalogum12 expectabo, ut, ubi priora ad umbilicum perducta sint, et ista praelo subjiciantur.

    Annotationes in quatuor Evangelia13 nos soli, qui domi meae sumus, inspeximus; reliquos vel ipse locus ubi serventur, latet.

    In tuis edendis, ut eum, quem ipse aliquoties praescripsisti, ordinem sequamur, jure tuo postulas; itaque bene monenti promto parebimus animo.

    Petro in mandatis dedi, ut apud Mathaeum Heufdium14, quas Berkelius15 manu sua scripserit, apochas conquirat easque ad nos deserat; tu siquid super restrictione consuetudinis circa testamenta in manibus haeredum reperta compereris, fac quaeso sciam, ut exinde litem quanta possumus acceleratione instruamus.

    Hic jam nihil magni occurrit, nisi quod unus e tribunis16, qui jam copias suas conscribunt, tres ad se caesarianorum centurias pellexit.

    In Brabantia omnes fere ductores ordinum popularium loco moventur allectis in eorum locum Hispanis plerisque, quae res quo evasura sit, docebit experientia; certe

    104

    Iacobum parvum17, turmae equestris antea praefectum et inter paucos nobilem, cum ducentis equitibus Lira, ubi in praesidio erat, ad nos transfugisse sermo est.

    Vale, frater optime, et nobis fave.

    Tibi obsequentissimus frater
    Guilielmus Grotius.

    Hagae, XXVII Februarij 1640.

    Adres: A Monsieur monsieur Grotius, ambassadeur de Suède. A Paris.

    Boven aan de brief schreef Grotius: Rec. 6 Martij.

    En in dorso: 27 Febr. 1640. W. de Groot.
    Notes



    1 - Hs. Den Haag, ARA. Eerste afd. coll. Hugo de Gr. Aanw. 1911 XXIII no. 24. Eigenh. oorspr. Antw. op no. 4516; beantw. d. no. 4552.
    2 - Pieter de Groot.
    3 - Etienne de Courcelles.
    4 - Voor de volledige titel zie no. 4453, n. 4.
    5 - Voor de volledige titel zie no. 4453, n. 2.
    6 - Joost Brasser, remonstrants koopman in Amsterdam.
    7 - Met ‘Zenonis effigies’ of ‘Calvini effigies’ wordt gedoeld op een niet meer te achterhalen geschrift van Grotius.
    8 - De Amsterdamse hoogleraar Gerardus Johannes Vossius.
    9 - Gerardi Ioannis Vossii de Theologia Gentili, et Physiologia Christiana; sive de origine ac progressv Idololatriæ, ad veterum gesta, ac rerum naturam, reductæ; deque naturæ mirandis, quibus homo adducitur ad Deum, liber I et II. Liber III et IV. Amsterdami, apud Ioh. et Cornelivm Blaev, MDCXXXXI.
    10 - Johannes Wtenbogaert.
    11 - Waarschijnlijk Carolus Rijckewaert, die in 1639 aan Johannes Wtenbogaert was toegevoegd bij het schrijven van de Kerckelicke Historie.
    12 - Voor de volledige titel zie no. 4453, n. 7.
    13 - Voor de volledige titel zie no. 4499, n. 5.
    14 - Matthias Hoeufft, bankier te Amsterdam, neef en vertegenwoordiger van de Parijse bankier Johan Hoeufft.
    15 - Jacob van Oldenbarnevelt, heer van Berkel en Rodenrijs.
    16 - Govert de Coninck, Frans van Bronckhorst of Joost Vijgh; het betrof hier twee keizerlijke compagnieën die vervolgens werden ingedeeld in het regiment van Lambert Floris van Till. Zie Res. Raad v. State dd. 16-20 febr. 1640; Ten Raa-De Bas, Staatsche Leger IV, p. 307.
    17 - Niet geïdentificeerd.