eLaborate
::: eLaborate options :::
    Show pagebreaks
    Show variations
    Search



    Searchform

    Fulltext search

    correspondent

    Search domain

    Search site
    Search current document

    Letter



    4856. 1640 september 29. Aan Willem de Groot1.

    Mi frater,

    Miror, unde originem culpa habeat, sed video res meas Amstelodami non qua deberent fide tractari. Heri quidam meorum fuit apud librarium Pellaeum2, ad quem multa a Blaviis3 advenerant. Explicationis Decalogi4 nullum exemplar. Dicebat Pellaeus intellexisse se me ea nolle huc mitti. Quo nihil falsius. Flaccus5 ille nondum advenit; ubi advenerit, quid futurum sit, nescio. Interim amicis satisfacere nequeo. Rogo in haec omnia inquiras et cur mea in rebus meis praecepta nihil valeant.

    Taurinorum urbe exiere Hispani. Princeps Thomas6 in libertate est. Quibus conditionibus haec res confecta sit, nondum scimus.

    Valet rex, regina et filii duo7

    Tuus vere fraterno animo
    H. Grotius.

    Lutetiae, 29 Septembris 1640.

     

    Maraisii liber8 rogo quamprimum mittatur ad Treselium9.

    Catalani rursus in motu esse dicuntur.

    Ex urbe Taurinorum qui exiere, ad octo fuere millia. Princeps Thomas Eporediae est apud viduam10.
    Notes



    1 - Gedrukt Epist., p. 904. Beantw. d. no. 4870.
    2 - Guillaume Pelé.
    3 - De Amsterdamse drukkers-uitgevers dr. Johan en Cornelis Blaeu.
    4 - Ter Meulen-Diermanse no. 1117; zie voor de volledige titel no. 4684, n. 2.
    5 - Adriaen Vlacq, boekhandelaar in Londen; vgl. no. 4791.
    6 - Tommaso Francesco van Savoye.
    7 - Anna van Oostenrijk met de latere Lodewijk XIV en Philippe, hertog van Anjou, later hertog van Orléans.
    8 - Samuel Desmarets - Maresius - had in september 1640 zijn Dissertatio de Antichristo... gepubliceerd; zie voor de volledige titel no. 4849, n. 3.
    9 - Daniël Tresel, koopman te Rouaan.
    10 - Christine de France, hertogin van Savoye.