eLaborate
::: eLaborate options :::
    Show pagebreaks
    Show variations
    Search



    Searchform

    Fulltext search

    correspondent

    Search domain

    Search site
    Search current document

    Letter



    4953. 1640 december 3. Van Willem de Groot1.

    Frater optime,

    Nunc demum ad te scripturus litteras a te accipio2, hora diei lunae vespertina, cum jam in eo essem, ut te certiorem facerem me nullas e Gallia litteras accepisse. Id quoniam video, rogo, ut postmodum neque per Spiringium3 neque per Reygersbergium4 epistolas mittas, sed recta ad me per tabellarium; libenter quod pro vectura litterarum solvi debet

    646

    solvam. Illud pati nequeo, ut litteras a te post biduum, postquam alii suas recepere, recipiam.

    De editione Annotatorum5 jam ante egi6; illud addam Utenbogardum7 mihi hac septimana monstrasse litteras Corselii8, quibus conqueritur se solum obrui a typographis et singulis septimanis 32 specimina relegere, quod profecto ferri non postest. Brenius9, quem putabam supremam manum correctioni imponere, is vero, cum Corselius vacare nequit, suam operam praestat, quod ego ignorabam. Utenbogardus et Episcopius utrique scripserunt, ut curam velint adhibere, Corselius multis respondit et in tuo manuscripto multa remansisse errata contendit.

    D. Heinsius10 non bene valet et torminibus alvi aut potius calculi vexatur.

    Amstelodamo nondum ullas a Vossio11, Corvino12, Blavio13 litteras accepi; itaque vix ulla in re tibi usui esse possum.

    Vale.

    Tibi obedientissimus frater
    Guilielmus Grotius.

    Hagae, III Decembris 1640.

    Adres: A monsieur monsieur Grotius, ambassadeur de Suède. A Paris.

    Boven aan de brief schreef Grotius: Rec 12 Dec.

    En in dorso: 3 Dec. 1640. W. de Groot.
    Notes



    1 - Hs. Den Haag, ARA. Eerste afd. coll. Hugo de Gr. Aanw. 1911 XXIII no. 24. Eigenh. oorspr. Antw. op no. 4941; beantw. d. no. 4972.
    2 - No. 4941 van 29 november. Gewoonlijk nam het postverkeer van Parijs naar Den Haag 9 dagen in beslag.
    3 - Petter Spiring Silvercrona, resident en raad van financiën van Zweden in Den Haag.
    4 - Nicolaes van Reigersberch.
    5 - Grotius' Annotationes in libros Evangeliorvm...; Ter Meulen-Diermanse no. 1135.
    6 - Nos. 4935 en 4946.
    7 - De remonstrantse predikant Johannes Wtenbogaert.
    8 - Etienne de Courcelles. Een brief aan Wtenbogaert ontbreekt. Wel is een dergelijke brief van De Courcelles aan Simon Episcopius, dd. 22 november 1639, bewaard gebleven (Amsterdam, UB., RK L39).
    9 - Daniël de Breen, theoloog te Amsterdam, voormalig medewerker van de remonstrantse theoloog Simon Episcopius.
    10 - De Leidse hoogleraar Daniël Heinsius.
    11 - Grotius' vriend Gerardus Joannes Vossius, hoogleraar te Amsterdam.
    12 - Johannes Arnoldi Corvinus, rechtsgeleerde te Amsterdam, verleende medewerking bij het corrigeren van de drukproeven van Grotius' werken.
    13 - Dr. Johan of Cornelis Blaeu, drukkers-uitgevers te Amsterdam.