eLaborate
::: eLaborate options :::
    Show pagebreaks
    Show variations
    Search



    Searchform

    Fulltext search

    correspondent

    Search domain

    Search site
    Search current document

    Letter



    5425. 1641 oktober 19. Aan W. de Groot.1

    Mi frater,

    Terriculamenta ista2 de clamoribus aut male catholicorum aut male reformatorum non modo non curo, sed et rideo. Latrent, dum ne mordeant. Ego aequitatis vias me institisse confido speroque fore, ut in Gallia sarciatur haec ruptura ad illas ferme quas dixi leges. Id grave praeiudicium erit in Scotos et alios, quos idem Σκότισμα attigit. Verum etiamsi hoc non eveniat, mihi constabit facti ratio neque desinam eo pede pergere.

    In edicto quod misisti3 miror Ordines Foederatos imperare officialibus et magistratibus. Possunt id in eos, qui in Flandria Brabantiaque sunt, non in eos, qui in Hollandia. Sed Ordines Hollandiae mos est a Foederatis rogari, ut ipsi suis imperent. Mirabor, si id ab Hollandis negligetur, quanquam quid nunc mirer in tam corrupta republica.

    Si quis respondeat Amirautio,4 e re erit addi libellum illum de Absoluto decreto,5 dignum qui ab omnibus legatur. Historiam Vossii6 spero dignam ipso ac patre fore. Certe prior pars id spondet.

    579

    De iis, quibus danda exemplaria, ad te saepius scripsi.7 In earum literarum unis et Hoofdii et Bellimontii8 mentionem invenies. Wyckefortii9 fueram oblitus. Si velit illis dare Blavius, ego libens ad me missa totidem exemplaria dabo librario cui volet.

    Poematum reliquias10 et Lucanum11 tibi commendo et de Anthologia12 ut cogites, quid sit optimum factu.

    De Aira quid futurum sit, dubitamus. Galli adhuc aliquid hoc anno acturi videntur contra Clusam in Belgico fine. Cardinalis Hispanus revalescere creditur, Lamboius13 ad Insulas habere exercitum, quem Gallis opponat. Fiunt et ex Lucemburgico in solum Gallicum excursus et dux Carolus14 videtur se addere Gilloni Hasio.15

    In Italia quiescunt Galli et Hispani. Papa Castrum urbem bono defensam praesidio obsidet, cum Luca transegit.

    In Catalania et Ruscinonensi tractu leves pugnae Marte dubio. A Portugallia redit marchio Bressaeus.16

    Saluta, quaeso, matrem, uxorem tuam et amicos.

    Tibi obligatissimus frater
    H. Grotius.

    19 Octobris 1641.

     

    Librum Petavii17 nescio an D. Heinsius acceperit. Ego enim Petavio responsi debitor sum.
    Notes



    1 - Gedrukt Epist., p. 928 App. no. 569. Tezamen met no. 5429 antw. op no. 5403; beantw. d. no. 5441.
    2 - Grotius beantwoordde hier Willems kritiek op zijn Annotata ad Consultationem Cassandri (BG no. 1165).
    3 - Plakkaat dd. 30 augustus 1641; zie ook no. 5368 n. 11.
    4 - Moïse Amyraut, Doctrinae Ioannis Calvini de absoluto reprobationis decreto defensio ..., 1641.
    5 - [Samuel Hoard], De absoluto reprobationis decreto. Versio ex Anglico ..., MDCXL (BG no. 1320).
    6 - Matthaeus Vossius, Annalium Hollandiae Zelandiaeque pars altera; zie no. 5348 n. 8. Het eerste deel van dit werk was verschenen in 1635.
    7 - Het betreft presentexemplaren van Grotius' Annotationes in libros Evangeliorum (BG no. 1135). Zie ook infra no. 5441.
    8 - Pieter Cornelisz. Hooft en Simon van Beaumont, pensionaris van Rotterdam (no. 5124 n. 20).
    9 - Joachim de Wicquefort (no. 5022 n. 1).
    10 - Een uitgave van Grotius' Poemata waarin ook de recente gedichten werden opgenomen, is niet tot stand gebracht (no. 4995 n. 12).
    11 - Grotius' nieuwe aantekeningen bij Lucanus verschenen bij Blaeu in 1643 (BG nos. 430 en 431).
    12 - BG no. 534; de uitgave verscheen tenslotte pas in 1795-1822.
    13 - Wilhelm, baron van Lamboy (no. 5005 n. 12).
    14 - Karel IV, hertog van Lotharingen.
    15 - Gilles de Haes, Vlaming in keizerlijke dienst (no. 5041 n. 20).
    16 - Jean Armand de Maillé, markies, later hertog van Brezé (no. 5103 n. 9).
    17 - Dionysius Petavius SJ (no. 5408 n. 1) had in 1641 tegen Claudius Salmasius gepubliceerd: Dissertationum ecclesiasticarum libri duo ... Op verzoek van Petavius had Grotius op 23 maart 1641 een exemplaar van het werk aan Willem gezonden als geschenk voor Daniel Heinsius; zie no. 5111.