eLaborate
::: eLaborate options :::
    Show pagebreaks
    Show variations
    Letter



    5328. 1641 augustus 19. Van W. de Groot.1

    Frater optime,

    Eodem mihi tempore binae a te litterae traditae sunt, et quas XXVII Iulii et quas IX Augusti scripseras.2 Pro utrisque et pro Germanicarum turmarum defensione3 iis inclusa gratias habeo.

    464

    Quod ad editionem Annotatorum4 et errata in indice commissa attinet, egi cum Vergoesio,5 qui ea de re ad Blavium scribet et Marium6 in consilium advocabit. Caeterum ego quomodo medicina adhiberi possit, non video missis iam ante aliquot septimanas Dantiscum, Francofurtum, in Scotiam et nunc etiam in Galliam et alias regiones exemplaribus. Bremius,7 qui Vossii8 indices componere solet, et tuum compilavit. Is forte aliquando tuum sensum non satis assecutus est. Mala eum fide nihil egisse satis scio.

    Cur hinc tibi mitti velis exemplar de Veritate christianae religionis,9 ut id des Bellaio,10 cum is liber in Gallia primum sit excusus,11 nescio. Dabo tamen operam, ut tibi mos geratur.

    De aliis operibus tuis imprimendis rogo ipse certi aliquid statuas. Ego Blavio ante absolutum opus de Iure belli et pacis12 nihil puto concredendum. Notas ad Ius Iustinianaeum13 separatim excudi e re fore arbitrer, ut postea notis Gothofredi14 aut aliis inspergantur.

    Iuvat me quod de concionatoribus romanensibus scribis15 et, quid illi iam doceant - multa enim hic sparguntur -, ex te discere percupio. Tum vero qui qualesve ii sint ministri protestantes, qui formulam in ritu eucharistico mutarint, et quibus in locis et quid ea de re alii eiusdem gregis iudicent, scire velim.

    Hic iam nihil fere novi est. Princeps16 cum copiis suis versus Flandriam movet iterum; successum expectabimus. Sed si Aira iam iterum a cardinale Hispano obsidetur, quod hic spargitur, parum sane nostra arma promovebunt.

    De filii tui17 negotio ad uxorem scripsi. Rogo certi quid statuas, ne diutius animi pendeat. Brevi ipse, cum Introductionem iurisprudentiae absolverit,18 ad te scribet.

    Deus Opt. Max. te cum tua uxore et liberis diu nobis servet incolumes. Vale.

    Tibi obsequentissimus frater
    Guilielmus Grotius.

    Raptim. Hagae, XIX Augusti 1641.

    Adres: A monsieur monsieur Grotius, ambassadeur de la reine et couronne de Suède, à Paris.

    Bovenaan de brief schreef Grotius: Rec. 28 Aug.

    En in dorso: 19 Aug. 1641 W. de Groot.
    Notes



    1 - Hs. Den Haag, ARA. Eerste afd., coll. Hugo de Gr. Aanw. 1911 XXIII no. 24, 207. Eigenh. oorspr. Antw. op nos. 5295 en 5311; beantw. d. no. 5340.
    2 - Nos. 5295 en 5311.
    3 - Zie no. 5311 n. 16.
    4 - Grotius' Annotationes in libros Evangeliorum (BG no. 1135).
    5 - Vermoedelijk Willem van der Goes (no. 4995 n. 15).
    6 - Leonardus Marius (no. 4995 n. 14).
    7 - Daniël de Breen (Brenius), theoloog te Amsterdam (no. 4998 n. 13).
    8 - Gerardus Joannes Vossius.
    9 - Blijkens Grotius' brief van 17 augustus, no. 5324, is de door Janssonius in 1640 uitgebrachte herdruk ‘iuxta exemplar Parisiense’ (BG no. 951) bedoeld.
    10 - Jean-Pierre Camus, bisschop van Belley (no. 5311 n. 13).
    11 - BG no. 950. Deze uitgave was begin maart 1640 verschenen bij Cramoisy te Parijs; vgl. nos. 4543 en 4544 (dl. XI). Op 18 augustus 1640 schreef Grotius reeds aan Willem dat deze Parijse uitgave nagenoeg was uitverkocht; vgl. no. 4787 (dl. XI).
    12 - BG no. 571; de uitgave verscheen bij Blaeu in maart 1642.
    13 - BG no. 791; het werk verscheen in 1642 bij Pelé te Parijs.
    14 - Denis Godefroy; zie voor zijn uitgave in 1583 van het Corpus Iuris Civilis en voor de plannen van Blaeu voor een nieuwe uitgave supra no. 5290.
    15 - No. 5295 dd. 27 juli 1641.
    16 - Frederik Hendrik.
    17 - Grotius' tweede zoon Pieter; zie ook nos. 5200 en 5245. Een brief van Willem aan Maria van Reigersberch rond deze tijd ontbreekt.
    18 - Pieters vertaling van Grotius' Inleiding tot de Hollandsche rechts-geleertheyd (BG no. 757) is vermoedelijk nooit voltooid. Hij was in 1636 aan dit werk begonnen; vgl. nos. 2544 en 2548 (dl. VII). De eerstvolgende brief van Pieter aan zijn vader die nog is bewaard, is gedateerd op 30 december 1641, no. 5529.
    Search



    Searchform

    Fulltext search

    correspondent

    Search domain

    Search site
    Search current document

    [text]
    [text]
    [text]