Search
Add panel
[tiler debug info]
Choose a letter
Frater optime,
Quae nova scribis, eadem ex aliis intelligo. Frisiorum consilium mihi non displicet. Quid moliantur Foederati Ordines, non est obscurum.
Quod Mairius2 novam molitur editionem Annotatorum de Veritate religionis christianae3, non improbo neque puto damnum inde sensurum Cramoisiacum, qui sua aut vendidit aut brevi venditurus est4, vel in Gallia sola. Sed eundem Mairium miror tam tenuis esse animi, ut sumtum tam exiguum, quem requirunt nostra ad Lucanum5, formidet facere, cum, si qua ei restant exemplaria, ea hoc modo multo futura sint vendibiliora. Quare rogo eum etiamnum interpelles et, si cunctatur, ad me remittas. Ego facile hic typographum invenerim aut meis impensis edam. Idem rogo de poematis6 facias, si nemo
458
eorum est avidus. Annotatorum nostrorum ad Evangelia7 προσϑήϰην quandam ex Anglicano maxime manuscripto misi antehac8 aut ad te aut ad filium Petrum; qui, si ea suppressit, fecit rem malam. Miror etiam, quis Blaviis9 dederit ἀρχέτυπον ad Evangelia et quis de typis constituerit. Velim enim mea praescripta legem rebus meis ponere. Προσϑήϰην illam eo iterum mitto. Curcellii10 operam sicut non sperno - quanquam in parvis istis libellis multa video esse errata, plura autem audio esse in editione secunda de Antichristo11 -, ita velim accedat, ut scripsi antehac, posterior recognitio per D. Vossii liberos12, nisi odium inde aliquod sibi metuunt, aut per D. Corvinum13, qui pridem se obtulit et talium apprime est gnarus. Haec rogo diligentissime et quaecumque eo pertinebunt saepe ad me perscribas. De numero exemplarium, nisi tu Amstelodamum iveris, D. Vossius constituat suo arbitratu. Verum τῶν ἀνωνύμων14 a tanto jam tempore nulla ad me venisse valde miror. Velim et quaedam habere illius ex Anglico versi15.Quid valeat ille Maresius, qui de Antichristo scripturit16, scire cupiam simulque ipsius et Molinaei17 de hac re opera quando exspectentur.
D. Heinsio18 gratum fuisse exemplar, quod misi de Veritate religionis christianae gaudeo. Velim et aliis, quibus distribui volueram.
Uxor19 ante abitum omnia ibi relinquet loco, ita spero, quam optimo, etiam de filio Petro20, quem rogo in viam rectam reponere nobiscum labores mihique scribas, quanto ei opus existimas quotannis ad vestes et necessitates eiusmodi. Legat interim senatusconsultum Macedonianum21.
Indicana Societas cogitabit, an ex usu suo existimetde illa cum Gallis controversia22 decidere. Ego monere volui, non commendare.
In urbem Atrebatum Galli intravere mensis hujus decimo. Praesidium est sex cohortium, sex centuriarum e praetorianis, equites octingenti, praefecto Sampreulio23. Arx fabricatur. Vetera privilegia manent et de caetero jus commune cum Francis. Oppidanorum duo tantum exire voluerunt, quorum alter praeses24 fuit.
459
In urbe Taurinorum fames futura creditur sub finem Septembris. Interim a civitate, a principe Thoma25 et ab Harcurtio26 legati ivere ad viduam27 tentaturi pacis perpetuae aut temporariae vias. Neque tamen quiescit Leganesius28 auctus septem millibus e Neapoli et aliunde. Quid facturus sit videbimus.
Tibi obligatissimus frater
H. Grotius.
Scripsi 18 Augusti 1640.
De Zenone29 memineris, quaeso, cum aliis remittere, nisi forte reperisti edendi viam.
