Search
Add panel
[tiler debug info]
Choose a letter
Frater optime,
Ludovicus Gera2 rebus Suecis immistus meam petiit operam in quadam causa, quae ipsi hic pendet in suprema curia adversus haeredes Toirazii3. Assecuravit ipse navem illam Gallicam, quae in portu Texelano a Britannis ante annos aliquot fuit abducta, et quidem eo tempore, quo nulla Gallo cum Anglis erat controversia, ut ex novis positionibus hic additis4 intelliges. Toirasius cum per integram hyemem expectasset neque navem in Gallias mittere auderet, evenit
85
tandem, ut Britanni rerum gnari navem expugnarent. Nunc Gera coram scabinis Amstelodamensibus absolutus a curia provintiali condemnatus ad supremam provocavit curiam, ubi jam lis ea pendet; quare et ipse te rogabit et per me rogari jussit totum illud negotium domino consiliario Reygersbergio5 non perfunctorie commendare velis, quod te facturum non dubito.Venit praeterea ad me his diebus Utenbogardus6, qui Amstelodami edi dixit libellum de Anti-Christo7, quem omnes illic a te profectum judicant. Dixit in eo multa paradoxa contineri et Vossium8 super editione commotum moram aliquam petiisse, quae ipsi sit indulta. Nunc exemplar in ipsius manu esse, ab ipso legi et relegi Vossio. Rogabat, num ego quippiam ea de re scirem negato et vere. Haec te ignorare nolui. Vossius quin ad te scripturus sit, non dubito; ex eo melius omnia intelliges.
Vale, frater optime, cum uxore et liberis9.
Raptissime.
Tibi obsequentissimus frater
Guilielmus Grotius.
Hagae, VII Febr. 1639.
Adres: A Monsieur Monsieur Grotius, Ambassadeur de la Reine et couronne de Suède prèz le Roy Trèschrestien A Paris. Port.
Boven aan de brief schreef Grotius: Rec. 17 Febr. Epistola aperta.
En in dorso: 7 Febr. 1639 W. de Groot.
