Search
Add panel
[tiler debug info]
Choose a letter
Illustrissime domine,
Ob id intercepta est ab hostibus Augusta Taurinorum, quod ducissa2 praesidio omni ad occupandum castellum quoddam civitati infestum eam denudaverat. Oppidani idoneum tempus nacti injuriarum ulciscendarum et, quod extremae dementiae est, cum ipsimet absentibus praesidiariis portarum custodes constituti essent, Thomam principem3 advocarunt, quem abrupta tormento porta nullo propugnante et impediente in urbem receperunt.
De fuso auxilio Casalico confirmatio est expectenda, aliqui heri ad vesperam
504
dubitabant. Ut pro certo a multis rei gnaris et prudentibus intellexi, nostri juncti Subalpinis, qui ad quinque millia ascendunt, Hispanos et numero et virtute superant confiduntque4, ny hostes ante suum adventem5 se intra civitatem egregie vallaverint, illos impetui suo ferendo impares fore. Si pugnatur et vincitur, salva res est. Lucro nobis fuerit id duchissae infortunium, quoniam Augusta Taurinorum potiemur, deinde Casalio facili negotio succurri poterit. Sin vero nostri vincuntur, actum ferme est de Casalio et toto quasi Pedemontio. Maxime nobilitatis vir6 post cladem Taurinensem ex exercitu nostro scribit nos cum Sabaudis quindecim pugnatorum millia egregia habere nec vero gregariorum sed strenuorum militum, quos pugnandi magna cupidine tenentur, praelium tale tot laboribus finem impositurum arbitratantes7.Tuus notus
Maurerius.
6 Augusti 1639.
Adres: Pour Monsieur l'Ambassadeur de Suède.
