eLaborate
::: eLaborate options :::
    Show pagebreaks
    Show variations
    Search



    Searchform

    Fulltext search

    correspondent

    Search domain

    Search site
    Search current document

    Letter



    4270. 1639 augustus 28. Aan H. Bignon1.

    Vir nobilissime et amplissime,

    Peccem in iustitiam ipsam, si tempora ei in augustissimo loco exercendae debita alio divertam. Sed audacem me facit religionis christianae tutela, pars iustitiae tuique muneris magna. Neque iustitia sinit, ut accessio haec ad quenquam prius perveniat quam ad eum, ex cuius nomine magnam tituli superbiam liber praefert. Non dicam me partem poscere de otio tuo, quod tibi tam late diffusa muneris functio non concedit. Sed cum occupatis pro otio sit negotiorum mutatio, rogo, ut forenses curas harum chartarum lectione distinguas. Ne sic quidem longe abibis ab actibus solitis. Audies testes, vim testimoniorum expendes, iudicium feres. Ego iudicatum faciam.

    Vale, vir maxime.

    Ampl. tuae pridem obligatissimus
    H. Grotius.

    Lutetiae, XXVIII Augusti MDCXXXIX.
    Notes



    1 - Copie Rotterdam, Gem. Bibl., coll. Rem. Kerk, cat. v. hss. no. 674. Gedrukt Hvgo Grotivs De veritate religionis Christianæ. Ad virvm amplissimvm Hieronymvm Bignonivm, advocatvm regivm in svmmo avditorio Parisiensi. Editio Nouissima, in qua eiusdem Annotationes suis quæque Paragraphis ad faciliorem vsum subjectæ sunt. Parisiis, MDCL en in latere edities van dit werk; Ter Meulen-Diermanse, nos. 954vv. Verder gedrukt Epist., p. 557; Ep. ad Gall., p. 458. Over Jérôme Bignon zie men dl. III, p. 154 n. 5.