Search
Add panel
[tiler debug info]
Choose a letter
Frater optime,
Gratias tibi habeo maximas, quod mihi in postremis tuis litteris2 super morte patris tam christiana exhibes solatia; matri et ego et uxor mea non desinimus praestare ea officia, quae necessitas eius exigit. Ex uxore3 necdum quicquam, quod a te super rebus nostris constitutum sit, intelligo, sed ubi ei id commodum erit lubens intelligam; interea impensas funebres omnes ex meo aere persolvi, quam in rem - praeter pecuniam in patris arca repertam - quingentos circiter florenos impendi, ut uxori ex rationibus ipsi traditis constare potest. Nunc in eo sum, ut et debita ad quadringentos circiter florenos persolvam, interest enim existimationis nostrae, ut id quamprimum fiat, ne homines ii matri exhibeant molestias, quae etiamnum laborat catharris, veteri malo, cui et tussis accedit.
Optimo seni Utenbogardo4 quae iussisti indicabo, quod ipsi gratum quidem fore confido, sed propter aetatem ingravescentem et quae eam sequi solent mala oblato hospitio usurum non arbitror.
De Philippo Cordurio5 quod scribis, id Gallorum protestantium principiis consentaneum est, ne ulla in parte dissentientem publice audiri patiantur; sed tamen et illic veritas vires suas aliquando exeret6.
Cur libelli tui in Gallias nondum pervenerint, equidem ignoro; certe id non fit typographi culpa, cuius interest quam latissime spargi editionem, quippe cum et in Italiam
326
miserit. Nos quoque tua de Veritate Religionis christianae cum notis7 nondum accepimus, licet iam ante aliquot septimanas advenerit Andelius8, e quo, quomodo se res ea habitat9, sciscitabimur; forte eos libros in manibus habet senatoris Forestii filius10, qui nondum hic comparet.Anthologiam11, quando ita iubes, cum effigie Zenonis12 per uxorem remittam.
Filius minor13 tandem ad Baneriana se castra contulit et iam per Transisulaniam Bremam versus contendit; spero eum tempori illuc venturum; nihil enim etiamnum illuc gestum est, quod ad summam rei faciat, quanquam totus orbis in summa expectatione est.
Princeps etiamnum haeret in limite Flandriae neque quicquam magni acturus videtur, nisi armis iuvetur Gallicis, ut distractis hostium copiis iste alicubi impressionem facere valeat.
Ordines Hollandiae hac septimana iterum convenient14, qui utinam tandem cogitent de iis, quae ad pacem sunt necessaria.
Vale, frater optime, et subinde quae publice geruntur perscribe.
Tibi obsequentissimus frater
Guilielmus Grotius.
Hagae, XI Junii 1640.
Adres: A monsieur monsieur Grotius, ambassadeur de la reine et couronne de Suède, à Paris.
Boven aan de brief schreef Grotius: Rec. 21 Iunii.
En in dorso: 11 Iunii 1640. W. de Groot.
