eLaborate
::: eLaborate options :::
    Show pagebreaks
    Show variations
    Search



    Searchform

    Fulltext search

    correspondent

    Search domain

    Search site
    Search current document

    Letter



    4918. 1640 november 10. Aan Willem de Groot1.

    Frater optime,

    Dixit mihi Flaccus2, qui hic est, se societatem habere cum Blaviis3. Cum dixissem cogitasse me aliquando de excudendis domi meae Annotatis ad Vetus Testamentum4, ut me ipso recognoscente emendatior nasci possit editio, dixit se eam ad rem sumtus libenter facturum. Si idem videtur Blaviis - nolo enim quicquam agere nisi per ipsos - facile hic reperientur operae et typi, quibus intra meos lares uti liceat.

    Filio Petro si ea faciat, quae volumus5, vult dari uxor mea ducentos florenos ad usus quotidianos. Ego eum Amstelodamum ire quamprimum velim et, si fieri possit, ibi secundum advocationis locum nancisci a societate Indica. Forte ei muneri par esse possit me teque adiutoribus et praeeunte eo, qui nunc advocatione fungitur. Velim cogites de rebus his omnibus.

    Catalani acerba scripta ediderunt in Castellanos omnes, nominatim vero in Olivaresium6. Missum a Gallis Plessiacum7 audivere in senatu Barcinonensi; pessime tractarunt Castellanos; post haec tamen omnia preces ad regem Hispaniae misere, ita ut difficilis sit de rebus eorum judicatio.

    Eporediae - quae nunc Ivrea dicitur - est princeps Thomas8, Mazarinus a Gallia et legatus Hispaniae Genuae agere solitus9. Leganesius10 praesidia sua auget. Imperator dat diplomata tuti itineris principibus protestantibus sive Ratisbonam mittere velint sive Coloniam.

    Danus satis male vult et Suedis et Batavis. Nihil tamen magni facturum arbitror.

    Tibi obligatissimus frater
    H. Grotius.

    Lutetiae, 10 Novembris 1640.

     

    Ego, uxor, filia11, te, uxorem, liberos et amicos amicissime salutamus. Rogo colligas

    606

    quae antehac misi emendanda in tribus Anonymis12 mittasque ad Blavios aut Cursellium13, si missa non sunt, addasque, ut ad caput IV Epistolae Johannis, ubi Polycarpus citatur, deleant ‘ad Smyrnenses’. Praeter tria Anonyma accedat responsum ad Maraisium14. Ea omnia debent Annotatis subjungi, ita ut separari nequeant.
    Notes



    1 - Gedrukt Epist., p. 906; de alinea ‘Filio Petro... fungitur’ gedrukt Clavis Epist. Grotii. Beantw. d. no. 4935.
    2 - Adriaen Vlacq, boekhandelaar in Londen; vgl. no. 4791.
    3 - De Amsterdamse drukkers-uitgevers dr. Johan en Cornelis Blaeu.
    4 - Hugonis Grotii Annotata ad Vetus Testamentvm. Tomvs I, II, III. Lvtetiæ Parisiorvm, Sumptibus Sebastiani Cramoisy, Regis & Reginæ Architypographi, et Gabrielis Cramoisy. viâ Iacobæâ, sub Ciconiis. MDCXLIV. Prostant Amsterdami. Apud Iohannem Blaev; Ter Meulen-Diermanse no. 1137. Zie ook no. 4196 (dl. X).
    5 - Zie voor de moeilijkheden met Pieter de Groot o.a. nos. 4709, 4726 en 4747. Pieter werd in 1644 aangesteld tot advokaat van de Oostindische Compagnie in Den Haag. Zie P. van Dam, Beschr. Oostindische Comp. (ed. F.W. Stapel), bk. I, dl. II, p. 305 (R.G.P. 68).
    6 - Gaspard de Guzmán, graaf-hertog van Olivarés.
    7 - Bernard du Plessis-Besançon.
    8 - Tommaso Francesco van Savoye.
    9 - Citrosellus; niet nader geïdentificeerd. Vgl. no. 4920.
    10 - Diego Mexía Felípez de Guzmán, markies van Leganés, Spaans goeverneur van Milaan.
    11 - Cornelia de Groot was 27 oktober met haar moeder in Parijs teruggekeerd.
    12 - Commentatio... de Antichristo...; Explicatio... de fide & operibvs; Explicatio Decalogi...; zie voor de volledige titels no. 4684, nn. 4, 5 en 2. Grotius liet deze traktaatjes opnieuw afdrukken achter zijn Annotationes in libros Evangeliorvm... (Ter Meulen-Diermanse no. 1135); zie Ter Meulen-Diermanse, resp. nos. 1102, 1111 en 1118.
    13 - Etienne de Courcelles, remonstrants theoloog.
    14 - Appendix Ad interpretationem locorum Novi Testamenti quæ De Antichristo agunt aut agere putantur. In qua via sternitur ad Christianorvm Concordiam; Ter Meulen-Diermanse no. 1129 (vgl. Ter Meulen-Diermanse no. 1128, rem. 1).