Search
Add panel
[tiler debug info]
Choose a letter
Illustrissime Domine,
Doleo non esse quam vellem bonam valetudinem tuam eamque tibi meliorem etiam communis rei causa precor.
Vinariensis2 haeret ubi antehac; necdum quicquam profecisse adversus eum auditur dux Lotharingus3.
Illud de vectigali ad Dantiscum negotium video displicere multis, sed nullos agere calidius quam Danum4 et Batavos, qui forte in societatem suorum cona-
4
tuum et alios trahent. Suedis ea controversia, dum durat et regem5 cum Dantisco Prussiaque omni, multis etiam Polonorum committit, in fructu esse poterit. Caeterum si regi contingat secura possessio aut, de qua nunc fama loquitur, redemptio ejus sub magnis pecuniis, erit, quod metuatur ista opulentia.De Pomeraniae rebus eadem, quae memoras, et Wolgastum oppidum, non et arcem nostris periisse, tristis intelligo. Curtianum iter6 si eo, quo dicitur, pertinet, poterit nostras res facere meliores, si non offerendo quae acceptari possint at accendendo alios, qui circa nos frigent.
Smalzius7 ad me Holmia scripsit accinctus, ut jam mox iret Hamburgum, ubi nunc eum fore confido.
Gallos, sicut Batavorum desideriis se aptarunt, ut eorum retinerent societatem sibi prope necessariam, ita ut Suedos sibi devinciant, multa, quae abnuerunt, concessuros puto.
Hassiacae res et auxilio et celere indigent. Regimen penes feminam8, nomen penes puerum9 aversa a bello provincialium studia, vires attritae, nimium malorum tam malo nostro tempore.
Cum Anglis non video qui possit conveniri, nisi formulam quam fecere foederis10 propius ad ea, quae ipsis a Suedis proposita fuere, accommodent. Video hic incusari Anglos deductae illius classis Hispanae: si falso, ut sentit regina Bohemiae11, aliquid decedet12 de dolore Batavorum, gravi satis sic quoque malo, ut nulla veterum amicorum culpa accedat.
De Hanovia metuam, donec certi quid accepero.
Turcarum pacis cum Persa13 spem evanescere dixit mihi Venetus legatus14 Constantinopolitanis edoctus literis. Quod si et illud verum est, quod addebat, incalescere Turcarum cum Cosaccis Muschoviticae tutelae certamina, securus ab ea parte Ferdinandus15 minus minusque se praebebit tractabilem.
Literas, quas ad Heussium16 esse putaveramus, aegre tandem fallente nos diu literarum ductu reperimus eas esse, quas Crusio17 mitti indicaveras; itaque ei sunt traditae.
Datus est in carcerem Bastiliae princeps Marsillacus18, ducis Rupifocaldii19 filius, ideo quod adjutor Chevrusiae20 ad effugium fuerit.
5
Deus, Illustrissime Domine, faustum det hunc annum et publicis et privatis domus tuae rebus.
Scripsi postridie calendas Ianuarias anni inchoantis MDCXXXVIII more numerandi Lutetiano21.
Excellentiae Tuae ad omne obsequium addictissimus H. Grotius.
Adres: Ludovico Camerario, Reginae Regnique Sueciae Consiliario et Legato apud Praepot. Ord. Foeder. Belgii.
Boven aan de brief in de copie te Uppsala in margine: R. Hagae Ao. 1638 1/11 Januarij.
