Search
Add panel
[tiler debug info]
Choose a letter
Frater Optime,
Inter eos, quos in Gallia caros ob virtutem suam meique cultum habeo, locum
132
eximium obtinet Theodorus Godofredus2, magni inter jurisperitos Dionysii Godofredi3 filius, vir et magna rerum veterum novarumque peritia et candore supra saeculum.Est is propinquus sanguine ei, qui ante tempus aliquod e vivis abiit, Petro, recte an secus non disputo, sed dicto tamen in libris Brederodio4, legato diu in Germania Batavorum.
Ex ejus testamento delibatio ei quaedam haereditatis amico huic nostro debetur. Metuit, ne qui haereditati se hactenus immiscuere os sibi sublinant egetque consilio, cujus ipsum, quantum potes, participem facias, et aequitatis et hominis causa rogo.
Deus parentes5, te, tuos nostrosque servet.
Tibi obligatissimus frater
H. Grotius.
6 Martii 1638.
De imaginibus chartisque6 memineris, rogo.
Expositionem causae a D. Godofredo exspectaveram, non venit. Mittam proximo die.
