eLaborate
::: eLaborate options :::
    Show pagebreaks
    Show variations
    Search



    Searchform

    Fulltext search

    correspondent

    Search domain

    Search site
    Search current document

    Letter



    3487. 1638 maart 8. Van D. de Groot1.

    Venerande parens,

    Acceperis, spero, quas, cum ex celsissimi principis2 Domini mei iussu in Helvetia agerem, misi literas atque ex iis intellexeris, quae pridie inter binos exercitus acta fuere. Sed et id vobis satis ample dixerit D. Truchsius3 eius rei gratia ad regem4 missus.

    Tertio exinde die memorabilem erga inimicos obtinuit victoriam sua Celsitudo, quae Savellii ducis5, Johannis Wartii6 eiusdemque fratris7, Sperreiteri8, Enckefurti9 nec non omnium, qui non cecidere, praefectorum, militumque duo10

    141

    mille captivitate decorata fuit. Etiam quas a nobis machinas ceperant recuperavimus. Miserat iam Viennam Johannes Wartius nunciatum nostrorum fugam, ducis Rohanii11 mortem, Rijngravii12 comitisque Nassavii13 captivitatem, Rijnfeldam denique obsidio liberatam.

    Securos maxime idque parum suspicatos supervenit illustrissimus dux Vinariensis idque in aspectu urbis Rhinfeldae, hostilemque exercitum tandem cedidit caesosque usque ad Basiliensium portas fugavit non sine iactura nobilissimi colonelli Bodendorfii14, hominis maximae virtutis.

    Captivi fere omnes in hac urbe sunt. Languet admodum Sperreiterus capiti timens.

    Expectat iam nunc dux dominus auxilia Gallorum, quae ubi venerint, in Bavaria nos brevi futuros confido.

    Nihil addam, nisi vota, ut Deus, venerande parens, haec omnia ad oppressorum in Germania protestantium salutem dirigat et vobis omnibus adsit propitius.

    Tuus tibi obedientissimus filius
    D. Grotius.

    Lauffenburgi, die 8 Martii novi calendarii MDCXXXVIII.

     

    Dux Rohannius lectum nondum deserit.

    Adres: Monsieur Monsieur l'ambassadeur de Suède.

    In dorso schreef Grotius: 8 Martii 1638. D. de Groot.

    En boven aan de brief: Rec. 29 Mars.
    Notes



    1 - Hs. Den Haag, ARA. Eerste afd. coll. Hugo de Gr. Aanw. 1911 XXIII, no. 27. Eigenh. oorspr.
    2 - Dirck bevond zich in het leger van hertog Bernhard van Saksen-Weimar.
    3 - Wolf Dietrich Truchsess.
    4 - Lodewijk XIII van Frankrijk.
    5 - Federigo Savelli, hertog van Poggio Nativo.
    6 - Johan van Werth.
    7 - Anton van Werth.
    8 - Klaus Dietrich Sperreuter.
    9 - Adriaen von Enkefort.
    10 - Door Grotius verbeterd in ‘bis’.
    11 - Henri, hertog van Rohan; hij overleed op 13 april 1638 aan zijn verwondingen opgelopen op 28 februari bij Rheinfelden.
    12 - Rijngraaf Johan Philipp was op 18 februari 1638 gesneuveld.
    13 - Otto Wilhelm, graaf van Nassau-Dillenburg.
    14 - Ludwig von Bodendorf.