3725. 1638 augustus 14. Aan Willem de Groot1.

Losecatio2, mi frater, postlimino reditum gratulor vobisque omnibus plurimum debeo, quod gratiarum actionem apud Deum pro me cum mea conjungitis. Ego vicissim non desinam Deum pro parentibus3 ac vobis precari.

D. comes Egmundanus4 in Anglia non ex voto susceptus videtur Hamburgum se conferre. An migratio ejus ex hostili solo in pacatum eum possit compotem facere eorum, quae sub Hispanico imperio habet bonorum, multum dubito.

526

Qui sint futuri apud vos senatores, quae D. Kinschotii5 cum Delphensibus conventio, quis ei in fisci advocationem successor6, quid de rebus fiscalibus suis facturi Hollandi, si comperiatur ejus muneris conferendi jus ad Zelandos pervenisse, omnia haec et quae alia scitu digna cognoscere tuis praesertim suavissimis literis plurimum aveo.

Velim scire, quae sint judicia Diatribae de Caena7, ubi non sunt pastores. Scriptor hic putatur D. Salmasius8. Siqua est occasio, habeamus exempla aliquot.

Vale cum tuis.

Tibi obligatissimus frater
H. Grotius.

Lutetiae, 4/14 Augusti 1638.