Search
Add panel
[tiler debug info]
Choose a letter
Venerande Parens,
Quod Amstelodami aliquanto diutius moratus fuerim quam decreveram, causa fuit D.i Crusii2 ex Gallia reditus, cui, quoniam ignotus ibi erat, aliquamdiu adjutor mansi. Ille multa mihi dedit signa sincerae amicitiae petiitque, ut singulis septimanis ad eum in Suediam scriberem, pari obst[r]ictus promisso. Hoc quoniam non inutile fore confido, optem aliquando mihi scribi aliquid eorum, quae ibi3 geruntur, quod a Pelzio4 fieri poterit, describendo quaedam ex iis, quae ad alios scribuntur.
Amstelodami omnes valent optime, et vos omnes salutant.
D.i Vossii liber de Ido[lo]latria5 pervenit ad quartum et adhuc longe abest a fine. Videtur haec aetas multum ei tribuere materiae, ita ut etiam sub praelo augeatur quotidianis exemplis.
Apud Treselium filium6 Amstelodami agentem reperi etiamnum libros, quos jam ad vos pervenisse putaram, nescio an ipsius culpa an occasionis. Acceperat etiam ad te mittendos alios libellos ab Episcopio7 ut ajebat.
Jansonii8 typos hebraeos et Graecos brevi accipiam et mittam; est ille vir pacificus satis, verum alteri parti deditus. Videtur non adversari quidem impres-
583
sioni Anthologiarum9, timere tamen Blavium10 non minus quam ab eo timeri. Promittit tamen incepturum se, si possimus adhuc duos exspectare menses.Deo gratias ago pro valetudine tibi restituta.
De regina matre11 ad matrem scribo.
Venit ad vos D.s Cnutius12 super ejus negotio cum rege13 acturus. In partu reginae14 video quod prosit ei, video etiam quod obsit. Minus enim jam timenda erit in Gallia firmata successione, sed etiam eo firmior erit cardinalis15 auctoritas. Illa de sua re ad regem non scribit, sed omnia Cnutio commisit. Domesticum16 postea misit, ut regi et reginae gratuletur novum partum.
Deus, venerande parens, tibi semper adsit salutifer.
Tibi obedientissimus filius
P. Grotius.
20 Sept. Hagae Comitis.
Boven aan de brief schreef Grotius: Rec. 30 Sept.
