Mittuntur hinc ad Helvetios hujus regni federatos CCCC M florenorum. Ut et duci Vinariensi2 mittatur pecunia habeaturque ratio ingentium, quas fecit, impensarum, laborat is, qui hic adhuc haeret ob ista negotia Viquefortius3.

Creditur hic obsideri a duce Vinariensi et qui ibi sunt Gallis Thanum aut Offenburgum aut horum utrumque.

Vult cardinalis4 redeunte vere iterum obsideri Fontarabiam eique operi praeficere vult archiepiscopum Burdegalensem5, virum magni animi ac paris diligentiae.

Est nunc in Wirtenbergico agro Lamboius6; is enim imperatoris7 copias regit profecto in aulam Mansfeldio8.

Ad Vallis Telinae fines haerent Hispani bis mille. Felicibus rebus Vinariensis ut exterrita est urbs Constantia ita laetantur protestantes Helvetii, merito, modo ne ea res ipsos justo securiores faciat. E re foret ad tutelam mutuam fedus aliquod inter hos et ducem fieri.

Inter Gallos et Mantuanam9 parum concordatur. Exspectatur Mantuae qui res agat imperatoris10. Vidua irata ob supplicium praefecti Casalis11 Gallos a majoribus imperiis amovit. Galli ut id ulciscantur, episcopum Casalis12 retinent. Veneti in componendis his turbis, sed frustra hactenus, laborant. Iidem metu Turcae13 amicitias quaerunt sedatis, quas cum pontifice14 habebant controversiis. Dixit eis legatus, qui apud ipsos est, imperatoris de itinerum diplomatis rem esse jam expeditam. Obtinuerunt a pontifice decimas in annos octo.

Orator ipsorum, qui Constantinopoli est15, jam liber per urbem ambulat, sed bellum instare et magno molimine parari scribit, nisi de navibus Uticensibus Turcis satisfiat. Etiam adversus Galliae legatum16 turbae quaedam Constantinopoli exortae sunt ob ignes quosdam contra morem excitatos.

Veneti duo millia peditum in Dalmatiam misere, Zaram Corsos quadringentos, paratas bello habent galeras XXX, galeassas IV.

Venere ad eos duo viri a rege missi Poloniae17, qui inter alia nuntiant a Persa18 legatum jam ad fines esse Poloniae. Evenere et fortuita mala Hispanis et Venetis. Nam Hispanorum galerae duae non longe a Brundisio fractae sunt vi tempestatis. At Venetorum ad fossam Clodiam naves ignis corripuit exstinctusque est non sine damno.

Multa et gravia testimonia dicuntur quotidie in ducem Valettam19.

Deus Excellentiae vestrae omnibusque ipsam contingentibus adsit propitius.

Excellentiae vestrae singulari cultu observantissimus
H. Grotius.

Lutetiae, 8 Ianuarii novi Calendarii 1639.

Adres: Ludovico Camerario, Reginae Regnique Sueciae Consiliario et Legato apud Praepot. Ord. Foeder. Belgii.

Notes

1 - Gedrukt Epist., p. 493. Ludwig Camerarius was ordinarius Zweeds gezant in Den Haag.

2 - Bernhard, hertog van Saksen-Weimar.

3 - Joachim de Wicquefort.

4 - Richelieu.

5 - Henri d'Escoubleau de Sourdis, aartsbisschop van Bordeaux.

6 - Wilhelm, baron van Lamboy (1600-1656).

7 - Ferdinand III.

8 - Philipp van Mansfeld.

9 - Maria Gonzaga, hertogin van Mantua.

10 - Johannes Thomas de Casnedo a Pernegg.

11 - Ottavio Montiglio; zie no. 3889 (dl. IX, p. 755).

12 - Scipio Agnelli.

13 - Murád (Amurath IV), sultan der Ottomanen.

14 - Urbanus VIII.

15 - Alvise Contarini.

16 - De Franse ambassadeur Philippe de Harlay, graaf van Cézy, had vuurwerk laten afsteken ter ere van de geboorte van Lodewijk XIV. Er ontstond paniek door dit ongewone vreugdebetoon, want de vrouwen van de sultan dachten, dat de kozakken of de christenen de stad aanvielen.

17 - Wladislas IV ( (VII); de beide afgezanten waren Francesco Bibboni en Virgilio Puccatelli.

18 - Dit gezantschap uitgestuurd door Safī I, was op weg naar Kiel, welke stad Friedrich III, hertog van Sleeswijk-Holstein-Gottorp (1595-1659) tot een centrum van Perzische zijdehandel wilde maken. De gezanten kwamen begin augustus 1639 in Sleeswijk aan.

19 - Bernard de Nogaret, hertog van La Valette (1592-1661).

Searchform

Fulltext search

Metadata search

Search domain

3922. 1639 januari 8. Aan L. Camerarius1.