eLaborate
::: eLaborate options :::
    Show pagebreaks
    Show variations
    Search



    Searchform

    Fulltext search

    correspondent

    Search domain

    Search site
    Search current document

    Letter



    4033. 1639 maart 25. Aan J.F. Gronovius1.

    Tantae sunt suavitatis, Gronovi doctissime, observationes tuae2, ut semel in

    193

    manus sumtas quanquam in multis negotiis deponere nunquam potuerim. Sunt omnia plena emendationibus ingeniosis, explicationibus pereruditis. Ipsa tot scriptorum, de quibus bene mereris, varietas mire oblectat animum; mei quoque quod benignam fecisti mentionem3 pergratum est. Scis me istis studiis, dum aetas vitaeque sivit ratio, laetatum. Nunc quoque non in re alia libentius acquiescit, ubi fessus graviorum est, animus. Non desunt tibi Lugduni vicinisque in locis magni hortatores; tamen si meae etiam preces aliquid habent ponderis, oro te, ut nos saepe per ista vireta deducas alacri te pede secuturos. Cum vero pro universo opere multum tibi debeam, tum praecipue pro Lucano et Tacito, quos ego duos, illum ob sublimes spiritus, hunc ob prudentes sensus, semper feci maximi.

    Nihil habeo quod magis4 tibi optem quam felix otium, ut quam maxima tua cum laude et aliorum fructu pulchre institisti viam, in ea non securus tantum, sed et hilaris pergas.

    Famae tuae ex animo favens
    H. Grotius.

    Lutetiae, XXV Martii anni MDCXXXIX.

    Adres: Singularis eruditionis viro D. Iohanni Gronovio.
    Notes



    1 - Hs. München, UB., 2o cod. ms. 614 f.o 221 v.; copie Rotterdam, Gem. Bibl., coll. Rem. Kerk, cat. v. hss. no. 674. Gedrukt Epist., p. 517.
    2 - Iohannis Frederici Gronovii Observationvm Libri III Ad Wilhelmvm A.F.P.N.W.P. Vandermærivm. Lvgdvni Batavorvm, Apud Isaacvm Commelinvm MDCXXXIX.
    3 - Met name Lib. II, cap. X, p. 129: ‘Hanc observationem cum apud adolescentes lectissimos... Isaacum & Gerhardum Vossios promsissem, ostenderunt illi codicem mihi, in cujus ora partem ejus, nempe eripui tibi, adscripserat Hugo Grotius. Qua συγϰυρίᾳ oppido gavisus nec illustris & incomparabilis viri εὐστοχίαν sua laude, nec meam sententiam tanta autoritate hic fraudare volui.’ Vgl. ook dl. IX no. 3476, p. 125 en n. 10.
    4 - In het handschrift en de copie staat ‘mains’.