eLaborate
::: eLaborate options :::
    Show pagebreaks
    Show variations
    Search



    Searchform

    Fulltext search

    correspondent

    Search domain

    Search site
    Search current document

    Letter



    4377. 1639 november 11. Aan G. Oxenstierna1.

    Illustrissime domine,

    Iter terra marique prosperum tibi Genuam primum, deinde Romam fuisse plurimum gaudeo Deumque precor, ut perinde caetera itineris sospitet. Spero futurum, ne te unquam poeniteat conspectae Italiae, quae praeter quod amoenitates habet maximas et antiquitatis monumenta, mater civilis prudentiae suo merito dici potest. Etiam hoc laetor Puteanum2 satisfecisse exspectationi nostrae itaque pro eo fratribus ipsius3 meo tuoque nomine agam gratias.

    Recte meo judicio feceris, si transiens videas urbes aut veteris fortunae memoria aut manente in hunc diem magnitudine nobiles. Subsistas autem in ea civitate, quae supra omnia exempla caram libertatem in hunc diem pulcherrimis legibus atque institutis servat.

    Vinariensis exercitus duces et milites regi Galliae4 fidem jurarunt Brisacique et Friburgi pars altera praesidiorum e Gallis est.

    Elector Palatinus5 per Galliam ad eundem exercitum proficiscens non impetrata a rege venia deprehensus custoditur regis jussu. Nunc cum rege Angliae6 agitur, ut, si is velit, ex hoc malo aliquid nascatur boni. Noster vero princeps Palatinus7 huc rediit consultiusque duxit adhuc personam sustinere incogniti quam in tricas ob dignitatum certamina involvi.

    Vale, illustrissime domine.

    Illustrissimae Dominationis vestrae obligatissimus addictissimusque
    H. Grotius.

    Lutetiae, 11 Novembris 1639.
    Notes



    1 - Gedrukt Epist., p. 577. Gabriel Gabrielsson Oxenstierna was een neef van de Zweedse rijkskanselier Axel Oxenstierna. Hij reisde in gezelschap van Israël Forthelius; vgl. no. 4230, p. 494 n. 14.
    2 - Christophe Dupuy (1580-1654), die zich te Rome bevond.
    3 - Jacques (1591-1656), Pierre (1582-1652), en Augustin (1581-1641).
    4 - Lodewijk XIII.
    5 - Karl Ludwig van de Palts.
    6 - Karel I.
    7 - Karl Gustav, paltsgraaf van Zweibrücken, de latere koning Karel X van Zweden. Na een verblijf in Parijs maakte hij in 1639 een reis naar o.a. Straatsburg, Bazel, Lyon, Marseille en keerde vervolgens in november 1639 naar de Franse hoofdstad terug.