eLaborate
::: eLaborate options :::
    Show pagebreaks
    Show variations
    Search



    Searchform

    Fulltext search

    correspondent

    Search domain

    Search site
    Search current document

    Letter



    4890 1640 oktober 22. Van Willem de Groot1.

    Frater optime,

    Inopinato mihi evenit, ut praeterito die Lunae2 sub vesperam post clausas jam litteras ad te datas tuae VI Octobris ad me scriptae3 traderentur. Eae ubi tam diu latuerint, nescio. Alterae XIII ejusdem mensis4 heri in manus meas pervenere.

    Pro utrisque gratias habeo et, ut iis, quae inibi de maturanda Annotatorum editione5 et procuranda correctione mones, respondeam, hoc habe me ea de re quam possum accuratissime ad Blavium6 scripsisse et tempus exquisivisse quo absolvenda putet Annotata, ut te de eo certiorem faciam. Acceperis jam, spero, per uxorem prima editionis folia usque ad M inclusive. Reliqua primi alphabeti cum in Selandiam mittere pararem, mutavit se ventus atque ita discessit uxor7; ea ut a me vel Blavio accipias curabo. Nisi nimiae esset impensae, possent folia singulis septimanis per nuntios mitti, sed illud tantum sub finem necessarium fore arbitror.

    Marezii scriptum8 ad te venisse gaudeo; afferet et aliud exemplar uxor, plura mittet Blavius, nam ad eum super hac re scripsi. Ego ut tu quidem opinionem tuam tuearis et a contrariis argumentis vindices probo, non item ut adversus Marezium ex professo scribas - id enim ejus impudentia non meretur -; malim alii demandari eam provinciam.

    577

    Molinaei opus9 hic imprimi intelligo. Puto et Rivetum10 aliquid moliri; ita vides adversarios tibi non defore.

    Pro iis, quae de motu Catalaunico scribis, gratias habeo. Est ea res magni momenti et Hispanorum procul dubio res accidet. Caeterum de justitia armorum edoceri velim; neque enim rebellioni faveo.

    Scoti in Anglia magnos fecerunt progressus et videtur eo res deventura, ut parlamentum sit convocandum11, quod si fiat, actum est de auctoritate regis.

    Illud quod de Camerario12 nuper scripseram, intelligo verum non esse nec cur spargatur, scio; nisi quod quidam id ita expetant.

    Christianus Ulricus, regis Daniae filius naturalis13, a nostris equitibus caesus est cum iis, quas in usum Hispanorum conscribebat copiis, ita ut ipse cum magna suorum parte mortem obierit.

    Pro principe A(r)ausionensi in Frisia valde laboratur et pueri Guilielmi14 electio indebite facta dicitur.

    Utenbogardus15 tuas ad Veritatem christianam notas legit et probat.

    Vale.

    Tibi obsequentissimus frater
    Guilielmus Grotius.

    Die XXII Octobris, qui natalis matri est octuagesimus, 1640.

    Adres: A monsieur monsieur Grotius, ambassadeur de Suède, à Paris.

    Boven aan de brief schreef Grotius: Rec. 30 Oct.

    En in dorso: 22 Oct. 1640. W. de Groot.
    Notes



    1 - Hs. Den Haag, ARA. Eerste afd. coll. Hugo de Gr. Aanw. 1911 XXIII no. 24. Eigenh. oorspr. Antw. op nos. 4866 en 4876; beantw. d. no. 4907.
    2 - 15 oktober.
    3 - No. 4866.
    4 - No. 4876.
    5 - Hvgonis Grotii Annotationes in libros Evangeliorvm...; Ter Meulen-Diermanse no. 1135.
    6 - Cornelis of dr. Johan Blaeu; Grotius' brief ontbreekt.
    7 - Maria van Reigersberch kwam 27 oktober in Parijs aan.
    8 - Samuel Desmarets - Maresius -; hij had in september zijn Dissertatio de Antichristo... gepubliceerd. Zie voor de volledige titel no. 4849, n. 3. Grotius beantwoordde Maresius' traktaat met zijn Appendix... de Antichristo... MDCXLI; Ter Meulen-Diermanse nos. 1128 en 1129.
    9 - Pierre Du Moulin schreef onder pseudoniem tegen Grotius' Commentatio... de Antichristo... zijn Strigil adversvs commentationem Authoris Anonymi ad loca quædam Novi Testamenti quæ de Antichristo agunt, aut agere putantur. Amstelodami Apud Ioannem Ianssonivm M.D.C.XXXX. Zie Ter Meulen-Diermanse no. 1100 rem. 5.
    10 - André Rivet, hoogleraar in de theologie te Leiden en sedert 1636 goeverneur van de jonge prins Willem. Van een directe reactie door Rivet is mij niets bekend.
    11 - Het ‘Long Parliament’ kwam 13 november 1640 bijeen.
    12 - Ludwig Camerarius, Zweeds gezant in Den Haag; vgl. no. 4878 en n. 6.
    13 - Christian Ulrik Gyldenløve, zoon van Christiaan IV van Denemarken en Kirsten Madsdatter. Hij begaf zich met 600 ruiters in Spaanse dienst en sneuvelde bij Meinertshagen in Westfalen.
    14 - Willem II (1626-1650), zoon van Frederik Hendrik, kreeg in 1640 de survivance van het stadhouderschap van Friesland, als daar Willem Frederik, graaf van Nassau-Dietz, opvolger van zijn op 12 juli 1640 overleden broer Hendrik Casimir, kinderloos zou komen te overlijden. Zie Poelhekke Fr. Hendr., p. 512vv.
    15 - Johannes Wtenbogaert. Grotius had bij zijn brief van 5 maart, no. 4544, een exemplaar van De veritate 1640 (Ter Meulen-Diermanse no. 950) voor hem meegezonden.