eLaborate
::: eLaborate options :::
    Show pagebreaks
    Show variations
    Search



    Searchform

    Fulltext search

    correspondent

    Search domain

    Search site
    Search current document

    Letter



    584

    4897. 1640 oktober 27. Aan Willem de Groot1.

    Mi frater,

    Uxor jam in Gallia est iterque huc faciet tardiuscule credo, quod equi maritimi jactatione languentes quiete egent.

    Annotatorum folia2 exspectabo; si alia se via non aperit, poteris Treselio3 uti.

    An Frisii id concessuri sint, ut princeps Arausionensis ibi quoque imperium habeat, dubito.

    Literas meas4 ad te non pervenisse miror. Scripsi enim septimo quoque die de rebus Scoticis. Nihil judicare possumus, donec finitum sit colloquium nobilium Anglorum cum Scotis et parlamentum Angliae5, quod instat.

    Catalani libertatem appetunt. A Gallis auxilia mari petunt et libera commercia. Obsides offerunt.

    De missione sua nihil ad me D. Camerarius6. Postulatam ab ipso pridem scio.

    Seldeni librum7 nondum vidi; quicquid ab ipso proficiscitur, dignissimum est lectu.

    Salmasium8 puto hic mansurum, si certus esse posset de solutione annui salarii. Offeret ei conditiones aliquas cardinalis. Sed libertatem quicquid vult scribendi, hic non obtinebit.

    De negotio Rotterodamensi9 cum uxore cogitabo.

    Constantinopoli gaudium est, quod foeminae quaedam ex complexu sultani10 gravidae spem faciant prolis virilis, quae certamina ob ambiguam successionem alioqui oritura abrumpet. Classis ibi paratur tum contra Ethruscum et Melitensem, tum contra cosaccos.

    Obiit in Italia Guisius11. Arma ibi quiescunt.

    Vale cum matre, uxore, liberis, amicis et nostras ἐϰδόσεις quantum potes cura.

    Tibi obligatissimus frater
    H. Grotius.

    Lutetiae, 27 Octobris 1640.

     

    Iam advenit uxor. Epigramma tuum de Ostenda12 optimum est. Caetera non spernenda. Hogerbetii literis respondebo13. Elogia nolo ulla ante meos libros.

    Legi quod scribis de syndicatu Silvaducensi14. Ac tibi quidem gratias habeo pro summa rerum nostrarum cura neque pecunia rem moraretur, cui satis scio adhibitum iri curam, ne plus detur quam sit opus. Sed primum miror, cur ille, qui munus et honorificum et satis utile tenet15, id velit dimittere. Deinde puto principem nunquam assensurum, ut

    585

    filius meus16 id munus obeat, nisi forte addita lege, ut sacris publicis se accommodet, quod non esse viri probi conscientiaeque ac famae consulentis; ipse tu in simili occasione judicasti17. Tum vero quomodo recens iurisconsultus nullo rerum usu par esse possit dandis consiliis sive ad res judicandas sive ad civitatem resque ejus regendas, ego sane non video expertus, quam sit difficile munus tale, cum ipse in tam illustri advocatione prius essem exercitus. Solent in civitatibus esse factiones, in quibus prudenter se gerere vix prudentissimus quisque satis valeat. Velim

    Metiri se quemque suo modulo ac pede18.

    Meum semper consilium fuerat Amstelodamum eum transferre, ut ibi foro se daret, bonas quaereret affinitates, liberis gradum strueret ad partem aliquam in regenda illa florentissima civitate, quae nunc prope sola moribundam libertatem sustentat.

    Cogita, rescribe ac vale.
    Notes



    1 - Gedrukt Epist., p. 905. Antw. op nos. 4797 en 4878; beantw. d. no. 4912.
    2 - Het betreft de uitgave Hvgonis Grotii Annotationes in libros Evangeliorvm...; Ter Meulen-Diermanse no. 1135.
    3 - Daniël Tresel, koopman te Rouaan.
    4 - Willem klaagt in zijn brief van 15 oktober (no. 4878) erover ‘proxima vice’ niets ontvangen te hebben; dat moet dan betrekking hebben op Grotius' brief van 6 oktober, no. 4866.
    5 - Tussen 12 oktober en 5 november vonden te Ripon besprekingen plaats tussen Engelse en Schotse onderhandelaars, die leidden tot een wapenstilstand. Het ‘Long Parliament’ kwam kort daarna, op 13 november, bijeen.
    6 - Ludwig Camerarius, Zweeds gezant in Den Haag. Hij werd in september 1641 gepensioneerd.
    7 - Ioannis Seldeni De iure Naturali & Gentium... Zie voor de volledige titel no. 4878, n. 8.
    8 - Claude de Saumaise - Salmasius -, klassiek filoloog, hoogleraar te Leiden.
    9 - Het betreft de kwestie van Grotius' achterstallige salaris als pensionaris van Rotterdam.
    10 - Ibrahim, sultan der Ottomanen; hij werd in 1648 afgezet en door zijn toen zevenjarige zoon Mohammed IV opgevolgd.
    11 - Charles de Lorraine, hertog van Guise († 30 september 1640).
    12 - Vgl. no. 4797 en n. 7.
    13 - No. 4898 aan Adriaan Hogerbeets; zijn brief aan Grotius is verloren gegaan.
    14 - Zie Willems brief aan Maria van 15 oktober 1640 (bijlage no. 22).
    15 - Johan Gans.
    16 - Pieter de Groot; vgl. M. van Leeuwen, Leven Pieter de Gr., p. 53v.
    17 - Willem de Groot had in 1637 gedongen naar het ambt van pensionaris van Delft, ‘sed ego videns ϑεῖόν τι intercedere meque, si consulum intentionem sequerer, conscientiae vix posse satisfacere, ab eo munere abstinendum mihi duxi’ (28 december 1637, dl. VIII, p. 822; vgl. nog Grotius' oordeel dl. IX, p. 82).
    18 - Horatius, Epist. 1.7.98: metiri se quemque suo modulo ac pede verum est.