eLaborate
::: eLaborate options :::
    Show pagebreaks
    Show variations
    Search



    Searchform

    Fulltext search

    correspondent

    Search domain

    Search site
    Search current document

    Letter



    3534. 1638 april 22. Aan Christina van Zweden1.

    Serenissima ac Potentissima Regina, Domina Clementissima,

    Accepi per D. Schmalchium2 Sacratissimae Majestatis Tuae literas datas fine anni ante hunc exacti et hujus anni mense Februario3, die ejus mensis decimo. Accepi etiam mandata, tum quae ad implementum probati utrinque federis Wismariensis4 et oblatam a republica Veneta operam in conficienda pace, tum quae ad inducias a rege Galliae5 propositas pertinent.

    Dabo operam, ut quam maxima non fide tantum, sed et sedulitate sequar praescripta, et quaecunque in illis negotiis aut scitu aut cogitatu digna se obtulerint, illico significem, Deum Optimus Maximus interim rogans suppliciter, ut et arma Sacratissimae Majestatis Tuae ad pacem gubernet et ipsam pacem det aliquando bonam Tuae Majestati, bonam regno, bonam orbi christiano.

    Idem Deus, Serenissima et Potentissima Regina, Domina Clementissima, Majestati Tuae vitam, valetudinem resque omnes favens prosperet.

    Tuae Augustae Majestatis obedientissimus subditus
    H. Grotius.

    Lutetiae, 12/22 April. 1638.
    Notes



    1 - Gedrukt Epist., p. 419. Men vergelijke hier Avenel, Lettres de Richelieu VI, p. 21 (na XIV).
    2 - Peter Abel Schmalz, secretaris van de Zweedse rijkskanselier Axel Oxenstierna.
    3 - De brieven ontbreken; zie voor de instructies bijlagen nos. 3 en 4.
    4 - Het verdrag van Wismar, gesloten tussen Zweden en Frankrijk op 30 maart 1636, was in maart 1638 geratificeerd; zie no. 3479, p. 129 n. 2.
    5 - Lodewijk XIII.