Search
Add panel
[tiler debug info]
Choose a letter
Venerande Pater,
Ante octiduum, quas ad te Geneva scripsi litteras2 recte curatas arbitror.
282
Nunc Basileae famosa in urbe litterarumque cultrice dum haereo, ne desim scribendi officio in itinere, quo usque pervenerim quidque effecerim, te edoceo.Genevensis Reipublicae administratores missis ad me, qui universi senatus nomine salutarent suaque offerrent benigna officia, et caena insuper binoque de publico depromto honestarent, quantum nomini tuo tuisque virtutibus tribuerent abunde demonstrarunt. Inter illos praecipuis tui aestimatoribus Diodatius3, nostri illius Parisiensis4 frater, adscribi aut meruit aut mereri certe videtur. Pecuniae credo a Rassio5 subductae tuaque opera restitutae non immemor egi quantas potui gratias promisique relaturum me tibi, quoscunque honores immerenti mihi exhibitos absenti tibi exhibere se ostendissent.
Mullerus6 apud exercitum agit, qui undecim hinc abest milliaribus. Adventum ejus avide exspecto. Ubi venerit, itineris quod restat expediam, quod exhausta pecunia differre nunc cogor.
Promovet se ingenti festinatione hostilis excercitus nec minori ei (?) occurrit dux Vinariensis7 crediturque brevi rei totius summam in proelium deventuram.
Deus felicem largiatur exitum qui te quoque, venerande pater, tuasque curas secundet.
Tibi obedientissimus filius
C. de Groot.
Basileae, XII/II Maj. 1638.
Boven aan de brief schreef Grotius: Rec. 25 May.
