eLaborate
::: eLaborate options :::
    Show pagebreaks
    Show variations
    Search



    Searchform

    Fulltext search

    correspondent

    Search domain

    Search site
    Search current document

    Letter



    3606 1638 mei 31. Aan F. Junius1.

    Magnas tibi gratias ago, Iuni doctissime, pro donato mihi libro tuo De Pictura veterum2, qui ipse vivam habet ingenii eruditionisque tuae picturam. Miror diffusam lectionem, judicium, ordinem et quae ex cunctis artibus ad hanc artem ornandam attulisti. Plane simile mihi videtur hoc opus tuum illis imaginibus, quae e lapillis diversicoloribus compaginatis fiunt, qualis illa satyri epigrammate Graeco3 celebrata et Theuderichi Gothorum regis4 memorata Procopio5.

    340

    Delectat varietas, multoque magis ex ista varietate consurgens pulchra species. Rogo te, ut multa nobis des similia: ut vero Pictorum veterum nobis des nomina operaque6, etiam ex promisso te convenio.

    Quo magis videas legisse me libri tui omnia, quaero, quae quid sint apud Claudianum7 vela Iudaica. Scis Iudaeis impermissum ullam exhibere animantis effigiem vel in velis. Cogita, an legendum Lydiacis quae pingitur India velis; aut si quid habes melius, ad nos scribe.

    Ita etiam parte me levabis sollicitudinis, quae me movet, ut, quotiescunque aliquem ex Anglia video, ex eo de te tuisque rebus inquiram. Quod si pateris et hoc adjici, meo ut nomine comiter salutes viros egregios. Seldenum8, Patritium, ὁμώνυμον tuum9, Pettaeum10 et si qui his similes sunt alii, ad multa merita tua, quibus obstrictum me habes, novum hoc adjeceris.

    Lutetiae, XXXI Maii MDCXXXVIII.

    Tuus toto animo
    H. Grotius.
    Notes



    1 - Copie Rotterdam, Gem. Bibl., coll. Rem. Kerk, cat. v. hss. no. 674. Gedrukt Epist., p. 434. Pauli Colomesii opusc., Ultr. 1669, p. 117 (Ter Meulen-Diermanse, no. 1285). Voor geadresseerde zie no. 3414, p. 21 n. 10.
    2 - Francisci Ivnii F.F. De Pictura Vetervm libri tres. Amstelaedami, Apud Iohannem Blaev, MDCXXXVIII.
    3 - Bedoeld is een epigram op naam van Neilos Scholastikos in Grotius' Anthologia Graeca ed. Utrecht 1797, p. 458 met latijnse vertaling van Grotius.
    4 - Theodorik de Grote (456-526), koning der Oostgoten.
    5 - Dit mozaïek bevond zich te Napels; zie Procopius, ΥΠΕΡ ΤΩΝ ΠΟΛΕΜΩΝ ΛΟΓΟΙ V. XXIV, 22.
    6 - Voor zover mij bekend heeft Junius een dergelijk werk niet meer gepubliceerd.
    7 - Claudianus In Eutrop. I, 356-357: et quidquid inane // nutrit Iudaicis quae pingitur India velis.
    8 - John Selden.
    9 - Patrick Young (1584-1652).
    10 - William Petty, kapelaan van Thomas Howard, graaf van Arundel. De uitgave der Epist. geeft abusievelijk de lezing ‘Petlaeum’.