Search
Add panel
[tiler debug info]
Choose a letter
343
Frater optime,
Venit ad vos Brunaeus2 amoenissimi juvenis ingenii et eruditionis non vulgaris, quem eo nomine et quod Vossium3 cognatione aut certe affinitate contingit, tibi acceptum fore confido.
Ei ego ad te perferendos dedi Wassenarii commentarios4, quos tibi deesse scripsisti5, quartum nempe duodecimum, decimum septimum, decimum octavum, decimum novum, vigesimum et vigesimum primum. Multa inibi occurrent lectu indigna et quae fastidium tibi generatura sint, sed historiam rerum gestarum indaganti omnia ejus generis scripta legenda sunt.
Illud nescio an omnia Borrii6, qui opus suum ad annum millesimum sexcentesimum produxit, habeas, in quo multa occurrunt non obvia et scitu necessaria.
Accepit hodie Petrus7 scripta, quae e Galliis transmiserat et imprimis Annales tuos8, quos aliquando per otium simul evolvemus.
Pater9 jam Hagae est et satisbelle valet, mater10 valde debilitatur stomacho vix pauxillum cibi admittente; nos omnes valemus, omnia tibi uxorique tuae ac filiae11 officia offerentes Deumque rogantes, ut te diu nobis ecclesiaeque christianae servet incolumem.
Tibi obsequentissimus frater
Guilielmus Grotius.
Hagae, Calendis Junij 1638.
Adres: A Monsieur Monsieur Grotius, Ambassadeur de la Reine et couronne de Suède prez le Roy Trèschrestien A Paris.
In dorso schreef Grotius: 1 Junij 1638 W. de Groot.
