Search
Add panel
[tiler debug info]
Choose a letter
Mi fili,
Sicut Hagam te salvum rediisse et amicos vidisse sospites gaudeo, ita doleo eo te ibi fuisse tempore, quo aberat D. Vossius2. Debebis igitur per literas cum eo colloqui. Et quicquid de meis scriptis simul constitueritis, id gratum habebo. Blauwius3 urgendus non erit, quando videtur non esse talium avidus. Et sane Atlas ille4 magnum onus sustinet. Rogo resalutes eos, quos nostri reperisti memores.
Ego et juvenis comitis Nassavii5, cujus egregias virtutes feci plurimi, morte commoveor et parentum6 unico orbatorum vicem miseror.
Tu vide diligenter ea discas, quae juris forique sunt. Et si qua in re nostri consilii aut auxilii, eges, ejus me mone quam poteris saepissime.
Tibi optime volens pater
H. Grotius.
Lutetiae, 10 Iulii 1638.
Si quae ad me scribas, quae in aliorum manus venire periculosum sit, mitte cum superscriptione ad Heufdium7. In epistolis pecuniae nostrae ne parce. Et
440
illud, quod tibi commendavi, depositum vide, ne alio evadat quam quorsum volo. Nosti enim meas de eo opere curas. Nihil de eo constitue nisi me consulto nec alterius quam D. Vossii utere consilio.
