3675. 1638 juli 16. Aan S. Andreae1.

Praestantissime ac Clarissime Domine,

Gratias ago Praestantiae vestrae pro continuato ad me scribendi labore.

456

Vidi antehac responsum illud, quod D. Salvius2 Soldnero3 dedit, dignum sane ipsius prudentia.

Literae, quas a Constantinopoli habet Venetus4, dant Turcae5 hominum CCCC militiae idoneorum millia, quibus dicitur petere Babylonem, quae XXX millibus defensatur. Ingentem vim commeatuum eodem mari mitti, sed quibus periculum sit a navibus Ethruscis et Melitensium. Domus Ottomannica, ut mones, paucis stat fulcris, quae si ruant, videtur dissilitura ista potentia, ut olim illa Alexandri6; quod si quando eveniat, non tam quietem videtur allaturum orbi christiano quam incrementum Austriacae magnitudini. Pax nisi communis omnibus, qui arma sumpserunt, neque accipi honeste post fedus neque satis tuto potest.

Caetera ad magnum D. cancellarium7 scribo maneoque.

Claritudinus vestrae studiosissimus
H. Grotius.

Lutetiae, 16 Julij novi Calendari 1638.