Search
Add panel
[tiler debug info]
Choose a letter
Illustrissime Domine,
Minus quam vellemus procedunt res Gallicae. Nam et Vercellas die 6 Julii2 inter oppugnandum deditas pulvere igniario deficiente scripsit ad viduam Sabaudiae3 eam consolans Marchio Villa4. Quanquam id non impedit, quominus
461
haec aula contrariis rumoribus plebem lactet. Brisacum vero tanti sunt illati commeatus et pecora, ut spes repetendi obsidii nulla sit, quanquam caesis tribus cohortibus hostium, dum Brisaco redeunt.Vicecomes Turenae5 vi rejectus ab oppugnatione Remiremontis ad ducem Vinariensem6 nondum pervenit. Obsidium vero urbis S. Audomari non video, qua spe trahatur, cum princeps Thomas7 multis ex locis Gallica munimenta adortus cum clade mutua aggerem quendam minus diligenter custoditum tenuerit simulque amnem et palam sonantibus tympanis inierit urbem. Jam et deditum illi audimus castellum, quod Baccum dicitur, cui tutando Manicampius8 se devoverat, ad purgandam sinisteriorem de se ex anni praeteriti fortuna famam.
Classis Gallica nondum pervenit ad principem Condaeum9, qui ejus maxime opus habet ad peragenda, quae coepit.
Cappucinus generalis10 hic est Roma missus induciarum, ut creditur, molitor.
Scribit ad regem11 dux Vinariensis paratum se, modo regi videatur, captivos, etiam qui hic sunt, in id retinere, ut liberari mareschallus Hornius12 possit. Mittit item ad regem literas per quas ipsum fratres13 et elector Saxoniae14 imperatore15 volente ad pacem invitant. Die sexto, ut hic numeramus, Julii exercitus ducis Vinareinsis ad Friburgum erat, hostilis ad Kentzingam quatuor ferme leucarum intervallo.
Haec omnia, quanquam non optima, pars responsi erunt ad gratissimas Excellentiae vestrae literas datas 5 Julii16.
Non imprudenter facit cardinalis Hispanus17, qui tantam militum multitudinem cunctatur dimittere praesertim reperto aliquo juris obtentu. Spero fore, ut et Excellentiae Tuae et D. Estampii18 monitis incalescant animi malo eventu refrigerati.
Piccolominius19 oppugnandis Gallorum castris ad S. Audomari urbem adfuit. De illo autem ad Ardresam castello scripsi antehac20.
Accipimus e Germania adventum copiarum e Suedia perquam speciosarum ad D. Banerium21, validam praeterea nostrorum in mari classem.
Dani22 copias diffluere intelligimus, imo et ad imperatorem transire plerosque
462
militum, ex quo rex ille neque sibi neque filio23 tale, quale concupierat, imperium per inferioris Saxoniae circulum impetrare potuit objectante se imprimis Lunenburgico24. Sed haec jam certius ad vos perlata erunt.Pacis, quod lentum erit, negotium mirari non debemus, cum praeter eas, quas Excellentia vestra adfert causas, accedat et imperatoris et aliorum quaestus e bello.
Videamus, quid allaturus sit D. Rous25 et quid exstinctis jam induciis aggressura sit vidua Hassica26; nam in utroque magnum momentum est27. Neque minus dignum cognitu, quid sit, quod principem Palatinum28 in conditionibus offenderit.
D. Mullero29 et qui cum eo sunt faustum opto iter gaudeoque non inanem dimissum. Precor et Excellentiae vestrae ejusque domui faustissima cuncta.
Excellentiae vestrae perpetuo cultu devinctissimus
H. Grotius.
Lutetiae, 17 Iulii MDCXXXVIII.
Malum in obsidione S. Audomari e clade Batavorum fluxit, quae liberum fecit Piccolominio iter in has partes. Lafortium30 is distinuit. Solus autem Castilionaei31 miles non sufficiebat ad tuenda tot castella ac diffusum tam late ob intercurrentes paludes castrorum ambitum. Sunt et qui inter duces aemulationem incusant.
Adres: Ludovico Camerario, Reginae Regnique Sueciae Consiliario et Legato apud Praepot. Ord. Foeder. Belgii.
Boven aan de brief in margine in de copie te Uppsala: Redd. 14/24 Julij, 1638.
