3707. 1638 augustus 7. Aan Christina van Zweden1.

Serenissima ac Potentissima Regina, Domina Clementissima,

Accepi, qua debeo, reverentia epistolam Augustae Majestatis Tuae datam 23 Iunii2, ex qua intellexi, quae sit Majestatis Tuae sententia super iis literis tuti itineris, quae ab imperatore3 postulantur pro his, quos ad conventum super pacis negotio instituendum mittere volent principes ac civitates Germaniae.

506

Sequar et hac in re et in aliis omnibus praecepta Majestatis Tuae ad eamque normam et actiones et sermones meos dirigam deum perpetuo orans ut et arma et consilia Majestatis Tuae ad bonum regat orbis christiani Tuaeque Sacrae Majestatis, Serenissima ac Potentissima Regina, Domina Clementissima, vitam, valetudinem Regnumque respiciat favens.

Augustae Majestatis Tuae obedientissimus subditus
H. Grotius.

Lutetiae, 7 Augusti ex novo Cal. anni 1638.

Adres: Christinae, Reginae Sueciae, Gothorum, Vandalorum Etc.