eLaborate
::: eLaborate options :::
    Show pagebreaks
    Show variations
    Search



    Searchform

    Fulltext search

    correspondent

    Search domain

    Search site
    Search current document

    Letter



    Bijlage no. 12 Bij no. 3797
    Brief van Christina van Zweden aan Lodewijk XIII van Frankrijk dd. 9 oktober 16381.

    Nos Christina Serenissimo atque Potentiss.o Principi fratri consanguineo ac foederato nostro charissimo Dno. Ludovico XIII Franciae et Navarrae regi Christianissimo Salutem et prosperitatis omnis incrementum.

     

    Serenissime atque Potentissime princeps, frater, consanguinee et foederate charissime.

    Appulit e Gallia desideratissimus nuncius2 die mensis huius vicesima et sexta, quem ut adventantem huc comperiebamus Serenitatis Vestrae consiliarius nec non ordinarius cubicularius et ad aulam Nostram residens Illustris nobis sincere dilectus Dn. baro Rortaeus3 iussa Serenitatis Vestrae coram executus literarium officium a Serenitate Vestra die 2. passati mensis S.ti Germani peractum viva deductione maturrime antevertit.

    Ingens Dei beneficium et tot expetitum votis, quo Serenitati Vestrae totique adeo Galliarum regno clarissimum iubar illuxit! Etenim nec fulcimentum regno majus nec Serenissimae domus Vestrae ornamentum obtingere sublimius potuit.

    Cuius cum inter primos tanti gaudii sui participes Nos reddere, pro singulari, quo nos prosequitur adfectu, Serenitati Vestrae placuit, Eidem ex Serenissima

    811

    coniuge4, sorore ac foederata nostra charissima filium5 regno successorem natum tanto magis gratulamur quanto firmiori necessitudinis foederisque nexu utrinque illigamur. In quo ut constantissime persistamus, praeter eum quem foederi et singulari amicitiae debemus, adfectum viva insuper spe tam novae ac pullulantis propaginis allicimur.

    Quam mentem, quod gaudium nostrum, cum tantis locorum intervallis distinguimur, Serenitati Vestrae contestabitur consiliarius Noster secretior atque ordinarius ad aulam vestram legatus, Nobilis ac Magnificus Nobis sincere fidelis Dn. Hugo Grotius, quem nomine Nostro gratulationis simul ac faustae adprecationis officium ex mandato peragentem, ut Serenitas Vestra benigne admittat audiatque, est quod eandem quam amicissime requirimus.

    Deum veneramur, ut Serenitatem Vestram diu sospitem conservet, Serenissimam conjugem6 pristino robori restituat, et Galliae delphinum novum sidus in certam regni ac reipublicae spem educari ac splendescere faciat et Angelis suis potenter tueatur.

    Ita vovemus in Regia nostra Stocholmensi, die 29. Septemb. Divo Michaeli Archangelo sacra A.o 1638.
    Notes



    1 - Copie Den Haag ARA. eerste Afd. coll. Hugo de Gr. Aanw. 1911 XXIII no. 5. Er bevindt zich in dezelfde bundel nog een afschrift van deze brief die enige afwijkingen van geringe betekenis vertoont en door de copiist ondertekend is met de initialen van de vijf Zweedse regenten.
    2 - De La Vallée; vgl. no. 3849 p. 699 en de verwijzing in n. 2 aldaar.
    3 - Claude de Salles, baron van Rorté.
    4 - Anna van Oostenrijk, koningin van Frankrijk.
    5 - Lodewijk XIV, geboren op 5 september 1638.
    6 - Verbeterd naar tweede copie.