Search
Add panel
[tiler debug info]
Choose a letter
Illustrissime et Excellentissime Domine Legate,
Ex literis Excellentiae Vestrae ad Illustrissimum et Excellentissimum dominum legatum Camerarium2 datis, quarum me per filium dominum
628
Joachimum Camerarium3 participem facere solet, magno animi cum dolore percepi, adversa Excellentiam Vestram aliquamdiu usum fuisse valetudine. Sed Deo sint gratiae, qui redire eam in melius jam voluit.Omisi hactenus ad Excellentiam Vestram hebdomadatim scribere, partim quod eam operam in se sponte susceperint domini Camerarii, cum quibus singulis septimanis bis, quidquid hic ageretur, communicare solebam, partim quod amanuense meo4, quem in Suediam miseram, per sesquimensem et ultra destitutus fuerim.
Quo fine duces Lawenburgici5 iter in aulam caesaream ipsi susceperint quidque Daniae rex6 per cancellarium Reventlavium7 cum domino legato Salvio8 post discessum illorum egerit, nullus dubito, quin dominorum Camerariorum alter exacte ad Excellentiam Vestram perscripserit. Quid D. Mithofius9 Praga ad dominum Salvium rescripserit adiecta charta10 demonstrat. Quod Caesar11 electorem Saxonem12 Leutmarizium ad colloquium rursum traxit, est quod vereamur, ne ea res in perniciem protestantium cessura sit.
Bannerius13, Gallassiusque14 ambo castra movere atque hic ad Havelam Albimque hospitia designasse, ille vero retro euntem insequi dicitur. Constituerat quidem Bannerius aut commeatu hostem intercludere aut in ipsis castris adoriri aut proelii copiam ipsi facere. At Gallassius eo ex captivis cognito, suo bono, singula elusit.
Valde nos afficit Galliae regem15 adeo nullam Vinariensis ducis16 habere rationem, sane in magno ipsum versari discrimine Mockelii17 novissimae literae nobis indicant. Quod si profligari per tot tantasque hostium vires patientur Galli invictum illud Suecici exercitus robur, quanti id ipsis constiturum sit sero experientur ac dolendum sane est ipsos nec arma rite tractare nosse nec pacem serio velle; sed Suecorum sanguine sudoribusque ad libidinem suam abuti pessum eunte interea universa Germania.
Quid de Anglis sperandum metuendumve sit, ex chartis hactenus transmissis Excellentia Vestra, qua est judicii sagacitate, facile perspiciet ac de Bisterfeldio18 mea quae sit opinio, ad illustrissimum dominum legatum Camerarium nuperrime perscripsi.
629
Mitto exemplum19 hic pactorum inter Poloniae regem20 electoremque Brandenburg:21 super vectigalibus in Borussia instituendis nuper initorum, ac cum ea res pactis induciarum manifeste refragari videatur, non est dubitandum, quin pejora ex Vienna Austriae mox secutura sint.
Deus Optimus Maximus Excellentiam Vestram cum tota illustri familia diu sospitem praestet.
Excellentiae Vestrae obsequentissimus servitor
G. Müller lt. p.
Dab. Hamburgi, d. 5/15 Octobr. ao. 1638.
Onder aan de brief met andere hand: A son Excellence monsieur Grotius, conseiller d'Estat et Ambassadeur de sa Majesté en France à Paris.
Boven aan de brief schreef Grotius: Rec. 4 Nov.
