Search
Add panel
[tiler debug info]
Choose a letter
Sororis nostrae2, mi frater, morbum intellexi dolens quam maxime malum tam crudele in aetatem tam florentem incidisse. Sed refovet me espistola tua3 spem dans restituendae valetudinis. Medicorum opem Deus secundet ipsamque nobis, marito4, liberis5 servet.
Dux Vinariensis6 in magno periculo. Validae hostium vires, ipsi tenues. Auxilia tarda in tam praecipiti temporum articulo. Oppugnata per triduum castra. Sed rejectus cum clade hostis, qui jam quaedam castrorum munimenta irruperat. Hostes erant Gotzius7 et Lamboius8. Adventat et Savellius9.
Regina10 hic, quanquam delphini11 mater, nihilo est quam antehac potentior jussa a latere ejus discedere matrona12, quam maxime diligebat. Regina
692
autem mater13, ubi in Anglia aliquamdiu fuerit, restat, ut Sabaudiam14 videat. Ita omnes suorum terras perambulaverit.Quando Procopii editionem15 inchoaturi sint Elzevirii16, scire cupiam et siquid praeterea est literarum.
Vale cum parentibus17, liberis18, conjuge19, amicis.
Tibi obligatissimus frater
H. Grotius.
Lutetiae, 13 Novembris 1638.
