3876. 1638 december 4. Aan A. Oxenstierna1.

Excellentissime atque Illustrissime Domine,

De Brisaco ita variae sunt famae, ut nihil asseverari possit et captivis et transfugis diversa renuntiantibus ex affectu, opinione aut dolo. Equinae carnis aliquantum restare constat. Farinae quantum fuerit, nunquam percognitum est. Dux interim Vinariensis2 famem, ut videtur, opperiri adventante praesertim per Luxemburgicum agrum Piccolomini3 nolens aggreditur eum montem, qui urbi ita superincumbit, ut arcis pene sit loco.

Goetsius4 ad nuntium adventantis Piccolominii commovet se rursum sexdecim militum millibus. Blumberga et Gutemberga arces, in quibus dux Vinarien-

734

At Helvetios, etiam pontificios, negare per fines suos transitum copiis, quae ex Italia in Germaniam ire parant scribit legatus Gallicus5.

Ex ducis Longavillani6 exercitu - sexcentos hostium vi capta Lunaevilla cecidisse is dicitur - missi pedites ferme ter mille, equites sexcenti ad augendum ducis Vinariensis exercitum jam debent eo advenisse.

Rumor ille de conspiratione Metensi evanuit. Espernonio7 tamen minus minusque fiditur et ablata ei modo custodia arcis, quae Burdegalae est et Trompetta dicitur.

Dolae in comitatu Burgundiae et vicinis locis misere vivitur ob famem et per eam accensas impunitasque militum rapinas. Sed non unius loci utrunque hoc malum est.

Dux Vinariensis pontem e navibus insternit flumini infra Brissacum et literas intercepit Rhinacheri8 ad Goetsium, quae alimenta obsessis nondum deficere indicant9.

Rex10 principem Casimirum11 libertate donare recusat, nisi et rex Poloniae12 et ipsa Polona respublica caveant nihil inde mali eventurum Galliae.

Radzivilius juvenis13 Rhotomagum jam venit, publico missu an peregrinandi causa, necdum scimus. Sed jamjam mihi dicitur privatus venire, magno tamen cum comitatu, et esse ejus, qui nunc principatum istius familiae obtinet14 non filius, sed fratris15 filius.

Regem vidi, ut ad reginam scribo16 dominam nostram. Inveni anxium pro duce Vinariensi et de Brissaco, quanquam Piccolominium dicebat adhuc ad Mosam haerere.

Missus a landgravii vidua17 nobilis18 et is, qui hic ejus res agit19 regi de filio20 gratulati sunt. Rex injuriam sibi factam pactione illa se inconsulto inita dissimulavit silentio.

735

Deus, Excellentissime atque Illustrissime Domine, Sublimitatem Tuam regno reginaeque praestet incolumem.

Tuae Sublimitatis cultor devotissimus
H. Grotius.

Lutetiae, 4 Decembris Novi Calendarii anni 1638.

Adres: Axelio Oxenstiernae, Sacrae Reg. Maj. Regnorumque Sueciae Senatori et Cancellario.