eLaborate
::: eLaborate options :::
    Show pagebreaks
    Show variations
    Letter



    5130. 1641 april 6. Aan W. de Groot.1

    Accepi, mi frater, paginas Hhhh, Iiii, Kkkk, item omnes illas, quas misit Princius.2 Itaque errata nunc annoto. Mittam autem primo post hunc itu tabellarii. Interim pagina una praeter recusas3 recudenda est ob errorem quendam meum; et adiiciendum paullum aliquid ad Appendicem,4 quibus de rebus Vergoesium5 monui. Eum ut adiuves, rogo. Expectabo tua

    206

    iudicia super Annalibus et Historiis nostris.6 Interim Annotata ad Vetus Testamentum7 et ea, quae dubiae sunt auctoritatis, eousque absolvi, ut nihil mihi restet explicandum praeter Baruchum, additamenta ad Danielem et Maccabaica. Scribam8 valde velim reperiri idoneum ad describenda quae descripta nondum sunt.

    Interim ubi absoluta erunt Annotata ad Evangelia cum tribus opusculis9 et Appendice, dum currit editio de Iure belli ac pacis,10 velim simul edi nostra ad Lucanum11 et poematum reliquias12 et Anthologiam,13 ad quam quomodo faciendi sint indices Bremium,14 si tamen is labori par est, admoneo per chartam, quam tibi mitto. Cis paucos dies mittam et prolegomena,15 quae ipsa facem allucebunt indices facturo. Epistolam προσφωνητικήν tunc faciam, cum prope absolutum erit opus. Interim nostra ad Vetus Testamentum describentur. Quibus editis aut eodem, quo edentur, tempore poterit edi et Historia.

    De Petro16 mutavi consilium, ex quo ipsius consilium intellexi. Nolo mihi uxorique molestias et taedia quotidiana accersere ex conspectu audituque eius, qui aequum putat nos potius ipsi quam se nobis obsequi. Pridem nihil fecit pro bono filio. Si vos, qui illic estis, eum corrigere potestis, facite. Sin minus, ego et uxor mea absenti eo dispiciemus, nobis quid faciendum sit.

    Foedus, quod rex cum duce Lotharingo17 fecit 29 Martii, id secundo Aprilis huius solenni utriusque iureiurando in templo S. Germani sancitum est post vespertinas preces. Lamotta duci reddetur. Emit autem ab eo rex Stenaium, Clarimontem, Iamaisium. Caetera manent ita, ut scripsi antehac.18 Regina mater19 videtur itura in aliquam Italiae urbem, quae sub papa sit. In Catalania caesi a Gallis sexcenti Hispani ad Castromontem. Portugalli qui hic sunt20 valde expetunt ad bellum duces.

    Nostra Belgica aptata musicis sonis21 quaeso mittas. Praesidem tum in Summo tum in altero iudicum Consessu facere cuius sit, Hollandiaene an Zelandiae,22 scire cupiam. Nuptiae quae fieri possunt [sic] in Anglia cum virgine novem annorum,23 non video. Et ante nuptias eam ire in Batavos non futurum sit ex parlamenti, ut audio, sententia.

    207

    Vale, mi frater, cum matre, uxore, liberis et amicis.

    Tibi obligatissimus frater
    H. Grotius.

    Lutetiae, 6 Aprilis 1641.

     

    Memineris Anthologiam edendam ea forma, qua edita sunt Stobaeana, item Excerpta ex comoediis et tragoediis Graecis.24 Vertere quae in Annotatis ad Vetus Testamentum erunt Hebraea et Graeca - sunt autem permulta - plane otium mihi non est;25 si esset, libens etiam hunc laborem impenderem legentium utilitati. Nunc cum id a me praestari non possit, sperandum est alium fore aliquando, qui id praestet post primam editionem, sed ita tamen, ut in margine ponatur versio et quidem ut non mea. Editio Annotatorum ad Vetus Testamentum facienda erit ea forma, qua ista ad Evangelia.

    Velit uxor posse persuaderi Petro domi nihil agenti laudabile, ut in Portugalliam cum aliis iter suscipiat. Vide, quid fieri possit et quid optimum sit factu, ne magis pereat quam periit.
    Notes



    1 - Gedrukt Epist., p. 918 App. no. 541; de passage ‘De Petro ... faciendum sit’ alleen gedrukt Clavis Epist. Antw. op no. 5115; beantw. d. no. 5146.
    2 - Pieter Christiaensz. Prins te Rotterdam (no. 5032 n. 5) zorgde voor de verzending van de drukproeven van de Annotationes in libros Evangeliorum (BG no. 1135) aan Grotius.
    3 - Eerder was de katern Nn herdrukt; vgl. supra nos. 5005, 5066 en 5124. Ook later was nog sprake van het herdrukken van afzonderlijke pagina's; zie infra no. 5206.
    4 - Grotius' Appendix de Antichristo (BG no. 1129) werd opgenomen achter de Annotationes.
    5 - Vermoedelijk Willem van der Goes (no. 4995 n. 15); Grotius' correspondentie met hem van 1641 ontbreekt.
    6 - BG no. 741; het werk verscheen bij Blaeu in 1657.
    7 - BG no. 1137; het werk verscheen in 1644 bij Cramoisy te Parijs.
    8 - Er werd een opvolger gezocht voor Grotius' secretaris Pieter Pels; vgl. no. 5053 n. 13.
    9 - Herdrukken van Grotius' Commentatio de Antichristo, Explicatio de fide et operibus en Explicatio Decalogi (BG resp. nos. 1102, 1111 en 1118) werden opgenomen achter de Annotationes (BG no. 1135).
    10 - BG no. 571; de uitgave verscheen bij Blaeu in maart 1642.
    11 - Grotius' nieuwe aantekeningen bij Lucanus verschenen bij Blaeu in 1643 (BG nos. 430 en 431).
    12 - Een uitgave van Grotius' Poemata waarin ook de recente gedichten werden opgenomen, kwam niet tot stand (no. 4995 n. 12).
    13 - BG no. 534; de uitgave verscheen pas tussen 1795 en 1822.
    14 - Daniël de Breen (no. 4998 n. 13); Grotius' brief aan hem ontbreekt. Zie ook infra, postscriptum; zie voor Grotius' wensen voor de indices bij zijn Anthologia ook nos. 4561 en 4833 (dl. XI).
    15 - De verzending geschiedde niet meer in 1641.
    16 - Aanvankelijk wenste Grotius dat zijn tweede zoon Pieter naar Parijs zou komen. Zie no. 5093, postscriptum; zie ook infra, postscriptum.
    17 - Karel IV, hertog van Lotharingen; zie voor het met hem gesloten verdrag no. 5083 n. 22. Het verslag van de eedsaflegging verscheen in Gazette 1641 no. 38, p. 179v., dd. 4 april.
    18 - No. 5120 dd. 30 maart 1641.
    19 - Maria de' Medici reisde in september 1641 naar Keulen.
    20 - Francisco de Mello en dr. António Coelho de Carvalho (no. 5028 n. 6).
    21 - Zie no. 5115 n. 10.
    22 - Over het recht van benoeming van de president van de Hoge Raad en van het Hof van Holland zie men het antwoord van Willem, no. 5146.
    23 - Mary Stuart, de ‘Princess Royal’, was geboren op 14 november 1631.
    24 - Resp. Dicta poetarum quae apud Io. Stobaeum exstant, emendata et Latino carmine reddita ab Hugone Grotio ..., Parisiis, apud Nicolaum Buon, ... MDCXXIII ... (BG no. 458), en Excerpta ex tragoediis et comoediis Graecis tum quae exstant, tum quae perierunt, emendata et Latinis versibus reddita ab Hugone Grotio, cum notis et indice auctorum et rerum, Parisiis, apud Nicolaum Buon, ... MDCXXVI, ... (BG no. 468).
    25 - Grotius zal doelen op de Latijnse vertaling van de Griekse en Hebreeuwse citaten in zijn Annotationes in libros Evangeliorum (BG no. 1135), die tenslotte toch door hemzelf is vervaardigd; zie supra no. 5039 n. 27.
    Search



    Searchform

    Fulltext search

    correspondent

    Search domain

    Search site
    Search current document

    [text]
    [text]
    [text]