eLaborate
::: eLaborate options :::
    Show pagebreaks
    Show variations
    Search



    Searchform

    Fulltext search

    correspondent

    Search domain

    Search site
    Search current document

    Letter



    4833. 1640 september 15. Aan Willem de Groot1.

    Mi frater,

    Gaudeo operam dari, ut nostra ad Evangelia2 exeant quam emendatissima. Anthologiam3 censeam permittendam Blavio4, modo correctorem adhibeat ista callentem, et indices cures fieri, de quibus scripsisse me antehac5 puto: nempe indicem auctorum asscriptis locis, ubi cujusque epigrammata reperientur; indicem eorum, ad quos et de quibus sunt epigrammata; indicem geographicum regionum, urbium, montium, fontium, pontium, aedificiorum; indicem rerum aliarum ad historiam aut philosophiam pertinentium. In eis indicibus velim brevem explicationem addi locorum ac temporum adscriptis etiam auctoribus, unde fusior cognitio geographiae aut historiae peti possit; cui rei serviet lectio scholiorum Brodaei6 ad Anthologiam et Prolegomena, quae mittam suo tempore. Bene est quod et reliquiarum Poëticarum7 et Notarum ad Lucanum8 curam non deseris.

    Non satis intelligo, quis ille sit, ad quem pars altera ex syngrapha patris9 redire debebat.

    In quaestione de mutuo dissentiunt a Salmasio10 Bignonius, Labbaeus, Heraldus11 amicique ejus omnes. Vincat veritas.

    513

    Enchiridion Corvini12 et Lucium Verum13 data occasione videbimus.

    Rex bene valet. Delphinus14 fari incipit depulsus a lacte.

    Inter Bapalmam et Atrebatum urbem rex castellum strui jubet ad reprimendos Bapalmensium excursus, qui Gallis non parum nocuere. Literae a 7 Septembris nos docuere Leganesium15 tunc parasse se ad novam oppugnationem Gallicorum castrorum, quae jam duplici munita sunt vallo et aegrotorum plerique ad sanitatem rediere. A Bressaeo16 Hispanorum galeones captas, ustas, mersas multi undique scribunt, sed eam rem puto in Batavis sciri certius.

    Vale, frater optime.

    Tibi obligatissimus frater
    H. Grotius.

    15 Sept. 1640.

     

    Curcellius17 quae agit mihi non probantur. Videtur aliorum potius consilia - et credo Salmasii - quam mea sequi. Vereor, ne eveniat Annotatis ad Evangelia, quod evenit secundae editioni de Antichristo18.

    Bressaeus ad Bellam Insulam rediit, Burdegalensis19 in oram Provinciae. Scribuntur in hac urbe et vicis proximis VIII millia militum.

    Harcurtio20 advenere ex Provincia IV millia peditum, equites CCCC.

    Audio legatum hinc in Hollandiam iturum21, Ginettium22 autem per pontificem revocari a Colonia.
    Notes



    1 - Gedrukt Epist., p. 903. Antw. op no. 4816; beantw. d. no. 4849.
    2 - Hvgonis Grotii Annotationes in libros Evangeliorvm...; Ter Meulen-Diermanse no. 1135.
    3 - Anthologia Graeca cum versione Latina Hugonis Grotii...; Ter Meulen-Diermanse no. 534.
    4 - De Amsterdamse drukkers-uitgevers dr. Johan en Cornelis Blaeu.
    5 - No. 4561; vgl. ook no. 4823.
    6 - Jean Brodeau (± 1500-1563) in zijn Epigrammatvm Graecorvm libri VII, Annotationibvs Ioannis Brodæi Turonensis illustrati, Quibus additus est in calce operis rerum ac uocum explicaturum [sic] Index diligentissime conscriptus. Froben, Basileæ M.D.XLIX.
    7 - Hug. Grotii Poemata, omnia. Editio quarta. Lugduni Batav. Apud Hieronymum de Vogel. MDCXXXXV; Ter Meulen-Diermanse no. 5.
    8 - Na de weigering van de Leidse drukker Jean le Maire een geheel nieuwe uitgave te bezorgen verscheen bij Johan Blaeu M. Annæi Lvcani Pharsalia,... Additæ sunt in fine Hvgonis Grotii notæ... Ao. MDCXLIII; Ter Meulen-Diermanse no. 430.
    9 - Jan de Groot († 3 mei 1640); zie betreffende de schuldbekentenis Willems brieven no. 4816 en no. 4849.
    10 - Claude de Saumaise - Salmasius; zie no. 4812, n. 11.
    11 - De Franse juristen Jérôme Bignon, Charles Labbé en Didier Hérault; in no. 4726 noemde Grotius bovendien Claude Sarrau - Sarravius -, raadsheer in het parlement van Parijs.
    12 - Ioh. Ar. Corvini. JC. Enchiridivm: seu Institvtiones Imperiales, insertis latioribus materijs, theoricè ac practicè digestae, et explicatae per erotemata. Amsterodami, Apud Ludovicum Elzevirium. A.o 1640.
    13 - Pseudoniem van Willem Goes, schoonzoon van Daniel Heinsius; hij schreef een Specimen controversiæ, Quæ est, De Mvtvi alienatione, Inter Jurisconsultos & quosdam. Grammatico-Sophistas. Auctore Lucio Vero.
    14 - De latere Lodewijk XIV.
    15 - Diego Mexía Felípez de Guzmán, markies van Leganés, Spaans goeverneur van Milaan. De brief heb ik niet kunnen terugvinden.
    16 - Jean Armand de Maillé, hertog van Brezé.
    17 - Etienne de Courcelles, remonstrants theoloog. Hij verrichtte correctiewerk ten behoeve van enige van Grotius' uitgaven, waarmee Grotius echter niet tevreden was; vgl. no. 4705 (aan De Courcelles) en nos. 4787 en 4845 (aan Willem de Groot).
    18 - Commentatio... de Antichristo...; Ter Meulen-Diermanse no. 1101.
    19 - Henri d'Escoubleau de Sourdis, aartsbisschop van Bordeaux.
    20 - Henri de Lorraine, graaf van Harcourt-Armagnac.
    21 - Matthieu (Gaspard) Coignet, sieur de La Thuillerie, graaf van Courson.
    22 - Marzio kardinaal Ginetti, pauselijk legaat in Keulen.