3590. 1638 mei 24. Van P. de Groot1.

Venerande parens,

Fui his diebus Lugduni Batavorum, vidi ibi D. Cunaeum2 cui tuas3 tradidi, ab eoque humanissime exceptus sum; vidi et D. Salmasium4 et qui tunc aderat D. Vossium5. De D. Salmasii libro de usuris6 variant judicia pro judi-

311

Cum D. Vossio locutus sum de Blavio7 et de tuis per eum edendis, nisi jam mutata tibi sit sententia; dixit enim mihi D. Vossius jam scripsisse se ad vos8, quos cum Blavio super hac re sermones habuerit. Ille quo minus Elseviriorum9 opera utamur in edendis Anthologiis10, praesertim cum typos graecos habeat elegantissimos, non videt. Sed nos ut in his sic et in omnibus aliis tuam expectabimus sententiam.

Cras hinc profecturus est princeps Arausionensis11 Littoiam, ut aiunt, et cum eo parvulus princeps filius12, qui ex cohorte sive centuria quam nuper ex primorum suae aetatis liberis sibi collegit, eminentiores secum trahit, callidum patris consilium, qui non ignorat, quantum continua haec presentia educato tam splendide principi datura sit auctoritatis in eos, qui sine dubio ad rempublicam aliquando admovendi sunt.

Obiit hic Vandermerius13 senator et, ut dixit mihi heri Graswinkelius14 qui senatoriam dignitatem maxime ambit, comes Henricus Bergensis15.

Deus, venerande parens tibi det prosperrima omnia.

Tibi obedientissimus filius
P. Grotius.

Hagae Comitis XXIV Maij MDCXXXVIII.

Adres: Monsieur Monsieur Grotius Ambassadeur de Suède à Paris.

In dorso schreef Grotius: 24 Maij 1638 P. de Groot.

En boven aan de brief: Rec. 2 Iunij.