Search
Add panel
[tiler debug info]
Choose a letter
Frater optime,
E litteris XXVo Septembris ad me datis2 gaudeo intelligere prosperiore te jam uti valetudine Deum venerans, ut brevi te pristinae sanitati et alacritati velit restituere.
Res ad Fontarabiam improspere gestas jam ante inaudiveramus et, quantum ego quidem ex aliorum relatu comperio, causa amplius non est, cur nobis Galli fugam Calloanam exprobrent: ea ducum nostrorum culpae, haec nupera militum ignaviae imputanda est; in utro minus sit mali et flagitii, judicent militarium rerum periti.
Pugna navalis ad Genuam Gallis procul dubio animos addet: caeterum dedecus in terra partum, quomodo hoc anno obliterari possit, non video.
Putant nonnulli principem3, antequam in hyberna redeat, aliquid tentaturum, sed ego, ut perficiat, dubito; nam et anni in hyemem vergentis tempus et militum morbi receptui cani et suadent et imperant.
Reginae4 negotium, quo apud regem5 et cardinalem6 loco futurum sit, ubi Kneutius7 et comes Henricus8 ad vos devenerint, scire avebo.
Archithalassus noster9 etiamnum ad Dunkerkam servat novo sane et
610
inaudito exemplo; spes est reliquos praefectos ejus virtutem et constantiam posthac imitaturos multum proficeret justa praemiorum et poenarum distributio, quae ut alibi jam ante collapsa est, ita hic labascit.Filius tuus10 praeterita septimana in procinctu fuit, ut causam oraret, quod hac septimana facturum spero.
Neoportius11 junior munus quaestoris rationalis, quod diu ambivit, tandem a principe obtinuit posthabito eo12, cui Basius13 avunculus est, Merano.
Recte tu atque animose facis, qui Schokium14 et similes obtrectatores parum curas; calumniam socinismi bonorum omnium consensus facile diluet teque apud non iniquos judices purgabit.
Fiscales causae jam plane frigent nemine, qui eas exerceat, constituto. Ordines super eo negotio senatus Hollandici petiere consilium, qui propter senatorum infrequentiam nihildum constituere potuit. Credo Kinschotium15, qui jam Delfensium nomine comitia frequentat, rogatum iri, ut in aliquod tempus fiscales causas in foro velit agere.
Vale, frater optime, cum uxore et liberis16 ac nos amare perge.
Tibi obsequentissimus frater
Guilielmus Grotius.
Hagae Comitis, IV Octobris 1638.
Adres: A Monsieur Monsieur Grotius, Ambassadeur de la Reine et couronne de Suède prez le Roy Trèschrestien A Paris. Port.
Boven aan de brief schreef Grotius: Rec. 13 Sept. (sic).
En in dorso: 4 Oct. 1638 W. de Groot.
