3860. 1638 november 25. Van I. Jasky1.

Illustrissime et Excellentissime Domine,

Domine Observandissime,

Posteaquam rex Poloniae2 cum imperatore3 in oppido quodam Moraviae Niclasburg dicto per unum et medium diem substitisset secretosque sermones aliquot horarum spatio nullo praesente, ne regina4 quidem, habuisset, ambo discesserunt imperator Viennam, rex vero Poloniae Cracoviam versus. Quam

711

De comitiis altum adhuc silentium. Quid de famosa illa Brisaci obsidione tandem futurum sit, totus exspectat orbis. Obsidionem hanc celebrem faciunt tot excercitus missi ad eam tollendam, tot deleti ad continuandam.

Vulnus, quod Gallia ad Fontarabiam accepit, dux Vinariensis5 insigni ipsa victoria contra Lotharingum nuper obtenta egregie lenivit si non sanavit.

Sed doleo infortunium infortunatissimi Palatini6, qui iam secundum tam magnam passus est cladem.

Naves Danicae ante triduum hinc abierunt. Nam cum iam tempus instet, quo maria clauduntur, tempestatibus et procellis sese exponere nolunt et tutius putant in portu quodam suo hybernare.

Valeat Excellentia vestra in divina protectione et omnis felicitatis augurio.

Dab. Dantisci, 25 Novembris A.o 1638.

Excellentiae Vestrae obsequentissimus
I.K.D. Jasky mpp.

Boven aan de brief schreef Grotius: Rec. 10 Ian. 1639.