eLaborate
::: eLaborate options :::
    Show pagebreaks
    Show variations
    Search



    Searchform

    Fulltext search

    correspondent

    Search domain

    Search site
    Search current document

    Letter



    455

    4203. 1639 juli 11. Van Willem de Groot1.

    Frater optime,

    Praeterita septimana cum Lugduni essem, convenit nos typographus quidam Vogelius2 nomine, qua se poematum tuorum editionem3 incepisse ajebat eo, quem haec pagina praefert, charactere rogavitque, num quae addenda haberem. Ego etsi scirem aliquammulta mihi per te transmissa, scribendum tamen ea de re ad te duxi, ut super universo opere et singulis, quae hic habeo carminibus, imprimis vero de illo de Deipara4, mentem tuam explicare velis. Video nobis non esse integrum totam editionem impedire; eam enim vel nobis invitis typographus adornabit et, si multa demantur, non defuturos qui novam inde offensae materiam quaesituri sint. Supprimere aut publicare ea, quae habeo, possum et in hanc quidem partem propensior sum; sunt enim quamplurima lectu dignissima. Sed de illo Graeco de Philocteta5 quid fieri velis, indica. Characteres sane mihi et filio tuo6 non displicent.

    Ad alia veniam.

    Parentem optimum7 ea valetudine esse scias, ut praeterita septimana Culenburgum curru sit vectus et quidem uno die Delphis Iselsteinam venerit neque redux de lassitudine queratur. Exciverat eum Culenburgum mors comitis8, super qua viduam9 nomine Hohenloicorum compellandam judicabat. Hodie cum uxore et filia10, Losecatio juniore11 ejusque sorore12 aliisque amicis prandebimus tui futuri non immemores.

    Expugnatio Hesdini magnos hic animos facit et narratur princeps13 exercitum suum cum impedimentis iterum imposuisse navibus, an Flandriae partem circumnavigaturus et milites alibi expositurus, an vero Bergam ad Somam rediturus sit, ut reliquum sibi equitatum adjungat, incertum est. Banerii14 quoque res laetae nos exhilarant; videntur enim in eo esse Pragensium res, ut sustentari vix diutius possint. Utinam et dux Vinariensis15 magni aliquid tentet, ut Bavaricas copias distineat.

    456

    Rediit heri Reigersbergius16; nunc quid Spiringius17 moliturus sit, videbimus.

    Vale, frater optime.

    Tibi obsequentissimus frater
    Guilielmus Grotius.

    Hagae, XI Iulij 1639.

    Adres: A Monsieur Monsieur Grotius, Ambassadeur de la Reine et couronne de Suède prez le Roy Trèschrestien A Paris.

    In dorso schreef Grotius: 11e Iulij W. de Groot 1639.

    En boven aan de brief: Rec. 21 Iulij.
    Notes



    1 - Hs. Den Haag, ARA. Eerste afd. coll. Hugo de Gr. Aanw. 1911 XXIII no. 24. Eigenh. oorspr. Beantw. d. no. 4219.
    2 - Hiëronymus de Vogel, boekdrukker, gevestigd in de Kloksteeg te Leiden.
    3 - Hug. Grotii Poemata, Per Guil. Grotium denuo edita, aucta, & emendata. Lugduni Batav. Apud Hieronymum de Vogel. MDCXXXIX.
    4 - Er is reeds in 1625 sprake van dit gedicht (zie brief no. 948 dd. 21 februari 1625 en brief no. 1036 dd. 4 december daaraanvolgend beide eveneens aan Willem de Groot; zie dl. II, resp. p. 426 en 497). Grotius en zijn broer aarzelen telkens weer om het in de Poemata Collecta op te nemen; hetgeen dan ook niet is geschied.
    5 - Vgl. no. 4219.
    6 - Pieter de Groot.
    7 - Jan de Groot. Hij was raad van het grafelijk huis van Hohenlohe.
    8 - Floris II van Pallandt, graaf van Culemborg, gestorven op 2 juni 1639.
    9 - Catharina van den Bergh.
    10 - Maria bevond zich met haar dochter Cornelia in het vaderland.
    11 - Diderik van Losecaat.
    12 - Esseline of Anna van Losecaat.
    13 - Frederik Hendrik.
    14 - De Zweedse veldmaarschalk Johan Gustavsson Banér.
    15 - Bernhard, hertog van Saksen-Weimar.
    16 - Nicolaes van Reigersberch.
    17 - Petter Spiring Silvercrona.