80

3451. 1638 februari 13. Aan L. Camerarius1.

Illustrissime Domine,

Laeta sunt, quae et ex tuis et ex D. Salvii2 literis3 de Anclamo, de Usedomo et de Wolgasti urbe intelligo speroque pro hoc anni initio caetera deinceps fore semelque a mari repulsum hostem cessim iturum magis ac magis.

Schmalcius4, ut video, IX/XIX Ianuarii nondum Hamburgi erat. Sed de consummatione pactorum Wismariensium5 vix dubitari video et de Anglis sperari meliuscula. Quod si res ipsa id probat, puto in Gallis moram non fore, quominus resurgat domus Palatina.

Rex Daniae6 ob communis religionis curam videtur mihi ad pacificationis officium fore non inidoneus. Ut autem pax fiat in commune potius quam seorsim, etiamsi bona fides non exigeret, prudentiae regalis7 convenit. Idem ille rex Daniae, si commoveri poterit ad prohibendas Holsatici Bremensisque agri vexationes, tanto eo utemur faventiore.

Ex Borussis intelligo Dantiscanae civitati ad defensandam immunitatem animos non defore, modo certi sint de societate eorum, quorum in eo negotio res vertitur, Dani maxime, Batavorum et Borussorum.

Polonicae, cujus meministi8, militiae novae instituta ac cerimonias vidi neque miror, si cordatis non placet commentum, quo et regis9 potestas in libertatis fraudem increscit et in ipsum regem regnumque potestas pontificis10. Tum vero multa admiscentur ita superstitiosa, ut non possint etiam romanensium aequioribus probari. Propter haec arrectis animis exspectare debemus, quid Polonicus conventus11 parturiat.

Periculum, in quo fuit D. Vosbergius12, ostendit hostibus mari neque vires adhuc neque audaciam deesse.

Literae a Bajona aliisque locis, quam certae haud dixero, credi volunt praelium Portugallensium non ut ante maritimum, sed terrestre felix in Castellanos captis horum machinis et lecto partium duce e domo Aveiros13, ideo quod Brigantiae dux14 turbarum contagium fugiens Madritium se contulerat.

81

In Hagae15 oratoris morte, si accidit, ob eximiam quam longa tractatione erat consecutus rerum peritiam, damnum fecit ingens Batava respublica; in Honartio16 autem etiam omnes bonae literae, quae in foro agentibus plerisque immerito sordent.

Manet hic spes et laetitia de reginae17 utero. Milites aliquot supplicio affecti, qui Bastiliam captivis18 exonerare voluerant.

Ad ducem Vinariensem19 magni aliquid molientem mittuntur CCCCL millia francorum, equites DCCC, pedites ter mille duce Guebriano20.

Iam nunc auspicata nobis nuntiantur, XXIX Januarii partim nocte partim die capta a duce Vinariensi oppida Silvestria ditionis Austriacae, Seggingam trans Rhenum, Lauffenburgum, in quo pons Rheni, et Waldershautam; caesas hostium turmas duas, quae Lauffenburgo suppetias sero ferebant. Optandam, ut hujus transitus custodiendi et ad bonum Germaniae convertendi major quam alterius antehac habeatur ratio. Rijnfeldium jam captum spero; obsessum a Februarij die secundo.

Rumor hic est, spero vanus, Hassi viduam21 cum imperatore22 agere, ut ipsa illi suas copias transdet, dummodo nihil ultra mali ipsa liberique23 a Darmstadiensi24, malo consanguineo, patiantur.

Det tibi Deus, Illustrissime Domine, sexagesimum sextum aetatis annum et quos bonitati ipsius addere placebit, feliciter decurrere.

Escellentiae Tuae observantissimo culto devinctus
H. Grotius.

XIII Februarii, ut hic scribimus, anni MDCXXXVIII.

Adres: Ludovico Camerario, Reginae Regnique Sueciae Consiliario et Legato apud Praepot. Ord. Foeder. Belgii.

Boven aan de brief in de copie te Uppsala in margine: R. Hagae 11/21 Februarij anno 1638.