3661. 1638 juli 7. Van J.A. Salvius1.

Illustrissime et Excellentissime Domine,

Legiones Sueticae tandem pleraeque in Pomeraniam appulsae sunt paucis tantum desideratis, quae contrario adhuc vento in mari agitantur.

Gallas2 acceptis ex archi-episcopatu Bremensi sexaginta thalerorum imperialium millibus copias ad Dömitz contrahit iuncturus, ut creditur, vires cum Saxone3 et Brandenburgico4 contra Banerium5.

Melander6 expiratis ad 1 diem Iulii induciis coniunctionem Kingio7

435

Interim recentes electoris Palatini10 copiae putantur in locum amissarum ad Antwerpiam legionum Batavicarum suffectum iri, dum nova in Belgio foederato parentur supplementa.

Hatzfeldius11 contra nos in Westphaliam destinatus vires parat e superiori Germania: sed, si fama continuat Winariensem12 caeso Goetzio13 Brisacum occupasse et is et Gallassius consilia forte mutabunt.

Rex Daniae14 exercitum ad Oldeslo in castris tenet circiter undecim millium militum. Nuper per legatos cum ducibus Holsatiae15, Luneburgensi16, Brunsvicensi17 et Bremensi18 Stadae convenit de petendo, ut creditur, tam a regina nostra19 quam ab imperatore20 vel subitam pacem in imperio, vel neutralitatem pro hoc circulo, vel saltem ne male accipiatur, si propiis sua armis contra quemcumque aggressorem tutati fuerint. Litterae vel legationes iam domi parantur legatis brevi denuo conventuris pro captorum consiliorum effectu

Imperii vice-cancellarius Curtius21 haeret hic ad Tollenspicher nolens ingredi imperiales urbes ob nimium, ut putat, hostilium legatorum apud oppidanos favorem

Hodie mihi per duces Lawenburgicos22 nunciavit caesarem tandem communi regnorum Sueciae Franciaeque tractatui, ut Lubecae et Coloniae simul fiat, consensisse atque ita de praeparatoriis fere omnibus, loco, plenipotentiis, salvis conductibus convenimus. Duo adhuc restant: primum, ut regnorum quoque communibus per Germaniam foederatis securitatem praestet; alterum, ut de die principalis tractatus conveniamus. Illud offert; sed sub manu suorum legatorum, non propria, quam nos postulamus. Hoc obtento de die convenire poterimus.

Legatus Angliae Rous23 et deputatus Ordinum foederati Belgii Cracowius24 advenere: ille cum potestate satis ampla, hic tantum ad audiendum et referendum. Ille ante quadriduum sine Gallo me visitavit et mutatis plenipotentiis primus

436

Polonus25 vectigal Dantiscanum mordicus tueri constituit impetrato comitiali regni sui consensu: De modo tantum deliberatur.

Atque haec sunt, quae pro tempore ex his oris nuncianda habui. Quibus Excell: T. optime valere et favere cupio,

Sui observantissmo
J.A. Salvio mp.

Hamburgi, d. 27 Iunij st. loci Ao 1638.

S. Regina nostra omni ad ostium Varni vectigali renunciavit: ne ansa Dano detur res publicas turbandi26.

Boven aan de brief schreef Grotius: Rec. 29 Iuly.