Frater optime,
Accepi a filio2 litteras, quibus testatur se per Corcelium3 procuraturum editionem commentarii περὶ τοῦ Ἀντιχριστου4; eum indies hic expecto, ut te de omnibus faciam certiorem.
Ante aliquot septimanas cognato Brassero5 tradideram effigiem Zenonis6 legendam, quam ille tanti facit, ut eam orbi invidere nolit.
28
Tua de Fide et operibus7 heri Utenbogardo8 et patri9 praelegi; probant uterque et ille quidem multis elogiis negans planius quicquam scribi aut pressius adstrui potuisse. Operam dabo, ut, ubi priora bene processerint et hic tractatus imprimatur, et forte Corvinus10 in hac parte nobis posset esse utilis, sed de his omnibus cum filio, ubi redierit, agam.
Cum uxore11 jam semel de filiabus sororis12 locutus sum et, ubi redierit, latius agam; interea laetor eam prospere in Zelandia appulisse, praesertim cum tanta eam navigantem exceperit tempestas quanta unquam hominum memoria his terris incubuit.
Quem exitum Salsae obsidio habitura sit, ex te intelligere aveo, imprimis vero statum jam aulae romanae in Galliis, et ecquid ista a latere legatio13 monstri alat, an vero eo pacto pontifex sibi suisque in Gallia rebus timens novis rebus occurrere satagat.
Britanniae apparatus bellici, quanquam in Scotos dirigi videntur, tamen et nostros, forte et Gallos territant. Hic decem ista militum millia, de quibus nuper sermo, nondum conscribuntur; veteres vero nostrae centuriae ne tota quidem hyeme sunt lustratae, contra disciplinam et exempla majorum.
Teulingium14 ab Abrahamo Antoniade15 tibi proxime commendatum16 ut bono patre17 ortum ego quoque iterum commendo.
Vale, frater optime.
Tibi obsequentissimus frater
Guilielmus Grotius.
Hagae, XVI Januarij 1640.
Naeldwikius18 adactus ut scripturam tabularum aut agnoscat aut inficietur, negat se bona fide eam affinis19 scripturam agnoscere posse, ut nos ea probatione oneret; cogita, an non aliqui in Gallia sint, qui a Berkelio litteras habeant.
Adres: A monsieur monsieur Grotius, ambassadeur de la reine et couronne de Suède, à Paris.
In dorso schreef Grotius: 16 Ian. 1640, W. de Groot.
En boven aan de brief: Rec. 25 Ian.