Search
Add panel
[tiler debug info]
Choose a letter
Frater optime,
Indiculum cum erratis in libello περί τοῦ Ἀντιχρίστου2 misimus Amstelodamum itemque illa ad Decalogum3, quae flagitaverat Corcelius4 expectantes inde quotidie absolutam tractatus de Fide et operibus5 editionem. Quae in Galliis impressa sunt6 cum ad manus nostras pervenerint, addam quae ad me misisti errata. De Anthologia7 forte male constituas, si in Galliis excudi jubeas; certe is liber non tam facile reperiet emptorem ideoque et typographi minus ejus avidi sunt. Petemus a Blavio8, ut indicet, quibus characteribus Notata tua ad Evangelia9 velit excudere, et eorum, quos in litteris nominas, opera10 in recensione utemur.
183
De Ophir11 siquid intelligere potero, faciam te certiorem.
Pacem et amicitiam inter Galliae et Angliae reges restitui omnes optamus; Sommelsdijkius12 negat regem Angliae nobis esse infensum, sed praeter verba et voces parum certa ejus rei affert argumenta. Interea gratum mihi fuit intelligere electorem Palatinum13 tua praecipue opera in libertatem pristinam postliminio rediisse.
De quaestione illa Salmasiana14 super mutui natura tecum et cum omnibus jurisconsultis sentio. Cyprianus Regneri15, qui Cunaei manes16 defendit, est quidem juvenis juris civilis satis gnarus, sed desunt ei reliqua studiorum ornamenta, quae linguarum et historiarum cognitio suppeditat Salmasio.
Ad posteriores ut veniam litteras17, tuum veritatis studium promovendae non possum non laudare, sed vereor, ne illud aliquando tibi occinatur: ne contra fluminis ictum; vix enim est, ut tu solus obviam eas inveterato errori ejusque cursum sistas, sed haec Dei providentiae committemus.
De effigie Zenonis18 non tentassem illac, qua tentavi, si scissem Slatium19 unquam tale quid commentatum. Lubecae et Hamburgi nullos ego quidem novi, quare si remitti librum desideras, poterit id per uxorem20 fieri.
De Notis ad Lucanum21, poematis tuis22 et editione Taciti23, scripsi nuperrime24, quae jam non repeto.
Litem filiae25 urgendam censemus omnes, sed non ea nobis suppetere, unde de scripturae auctore certe constare possit, id vero dolet; videbimus tamen, quo pacto optime res ad speratum exitum perduci possit.
Quae Bignonus26 censet grata mihi sunt et forte usui nobis futura.
Quoniam bene tibi jam cum magnatibus illic convenire intelligo, rogo cogites de Rotterodamensibus olim tuis ita, uti meriti sunt, excipiendis.
Camerlingius noster27 praeterita septimana obiit; ei an successor destinetur etiamnum nescio. Pater noster ejus, qua nosti, aetatis cum malo suo etiamnum conflictatur, sed minuuntur attritae tantis annis vires; itaque medicus sequiora timet.
Vale.
184
Tibi obsequentissimus frater
Guilielmus Grotius.
Hagae, II Aprilis 1640.
Adres: A Monsieur Monsieur Grotius, Ambassadeur de Suède, A Paris.
Boven aan de brief schreef Grotius: Rec. 11 April.
Onder aan de brief: An prostent an mittantur28.
En in dorso: 2 April 1640. W. de Groot.
